ıAsaýı kesenesin endi polıtsııa kúzetedi: Memleket budan qansha qarjy únemdeıdi

<p>TÚRKІSTAN. KAZINFORM &mdash; Premer-Mınıstr qaýlysymen keler jyldan bastap Qoja Ahmet ıAsaýı kesenesiniń qaýipsizdigin ishki ister organdarynyń tıisti bólimsheleri qamtamasyz etedi. Bul kesene kúzetine bólinetin qarajatty qanshalyqty únemdeıdi? Atalǵan máseleni <a href="https://kaz.inform.kz/" target="_blank" rel="noopener">Kazinform</a> tilshisi &laquo;Áziret Sultan&raquo; ulttyq tarıhı-mádenı mýzeı-qoryǵy basshylyǵynan surap kórdi.</p>

Jalpy, 2023 jyly kúzet qyzmetine respýblıkalyq bıýdjetten 8 434 000 teńge qarjy qaralǵan.

Al, sol jyly kúzet qyzmetimen 10 897 262 teńgege kelisimshart jasalyp, qarjy tólengen. Onyń ishinde «ÁdiletGroupSecurity» JShS-ne — 1 897 280 teńge, «Semser» kúzet agenttigi» JShS-ne — 8 999 982 teńge aýdarylǵan. 

Bıyl kúzet qyzmetine respýblıkalyq bıýdjetten 8 375 232 teńge qarjy qaralǵan. Mekemelermen 15 363 838 teńgege kelisimshart jasalyp, qarjysy da tólenip jatyr.

Onyń ishinde «Imperial Security KZ» JShS-ne — 5 384 638 teńge, «Іsker» kúzet agenttigi» JShS-ne — 9 979 200 teńge.

— 2025 jyly kúzet qyzmetine qaralǵan qarjy QR Mádenıet jáne aqparat mınıstrliginiń kelisimimen jumsalady. Sebebi ishki ister organdarynyń baqylaýyna ótpegen basqa da nysandar bar. Olar — Qoja Ahmet ıAsaýı mýzeıi, «Áziret Sultan» mýzeı-qoryǵynyń ákimshilik keńsesi (burynǵy Sapar ortalyǵy), HІH ǵasyrdaǵy Garnızon shtaby ǵımaraty, Gaýhar ana kesenesiniń aýmaǵy, Úkasha ata kesenesiniń aýmaǵy, — delingen «Áziret Sultan» ulttyq tarıhı-mádenı mýzeı-qoryǵy dırektory Máýlen Sadyqbekov usynǵan aqparatta.

Aıta keteıik, budan buryn Túrkistandaǵy Qoja Ahmet ıAsaýı kesenesi memlekettik qorǵaýǵa alynǵanyn jazǵan bolatynbyz.

QR Premer-Mınıstri Oljas Bektenov osyndaı qaýlyǵa qol qoıdy. Nysannyń qaýipsizdigin budan bylaı ishki ister organdarynyń qyzmetkerleri qamtamasyz etedi.