ıAroslava Shvedova, Qazaqstan tennıs quramasynyń kapıtany: Ótken jylǵy nátıjemizdi jaqsartý kerek

<p>Tennısten Qazaqstan áıelder quramasynyń kapıtany ıAroslava Shvedova 7-12 qarashada Ispanııanyń Sevılıa qalasynda ótetin Bıllı Djın Kıng kýboginiń fınaldyq kezeńine daıyndyq jóninde aıtyp berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qazaqstan quramasy álem chempıonatynyń fınaldyq kezeńinde osymen ekinshi ret óner kórsetedi.

ıAroslava Shvedovanyń pikirinshe, komandanyń aldynda ótken jylǵy nátıjeni jaqsartý mindeti tur. ıAǵnı jartylaı fınalǵa shyǵý kerek.

«Ár komanda álem chempıonatyna kýbokti jeńip alý maqsatymen keledi. Biz de sondaı nıettemiz. Árıne, kúni buryn boljaý qıyn. Onyń ústine komandalyq jarystarda kútpegen nátıjeler bolyp jatady. Toptaǵy qarsylastarǵa kelsek, Aýstralııa – ótken jylǵy fınalıst, Bıllı Djın Kıng kýboginiń jeti dúrkin jeńimpazy. Aýstralııanyń quramy myqty, olar qaı dodada da favorıt bolyp esepteledi. Slovenııa – jas qurama bolǵanymen, ony da osal deı almaısyń. Bular reıtıngte bizden tómen turǵanymen, baryn salyp, toptan shyǵýǵa tyrysatyny anyq. Elena Rybakına qazir Meksıkada WTA qorytyndy týrnırine daıyndalyp jatyr. Bul jarys bitkennen keıin Sevılıada komandaǵa qosylatyn bolady. ıÝlııa Pýtıntseva, Anna Danılına, Jibek Qulambaeva jáne Arýjan Saǵyndyqova qazir kýbokke tyńǵylyqty ázirlenýde. Eger bári oıdaǵydaı bolsa, 3 qarashada Sevılıada bas qosamyz. Óz komandamyzǵa, Qazaqstan tennısi tarıhynda jańa paraqshanyń ashylaryna senemiz. Sondaı-aq barsha jankúıerlerden qoldaý kútemiz. Biz biriksek, kúshtimiz», dedi ıAroslava Shvedova.

Tennısten komandalyq álem chempıonatyna Qazaqstannan basqa Shveıtsarııa (2022 jylǵy jeńimpaz), Aýstralııa, Frantsııa, Kanada, Chehııa, Italııa, AQSh, Ispanııa, Slovenııa, Germanııa jáne arnaıy shaqyrtý alǵan Polsha quramalary qatysyp, baq synaıdy.

Eske sala keteıik, budan buryn Aleksandr Býblıktiń Shveıtsarııada álemniń 8-raketkasyna jol bergenin jazǵan bolatynbyz.