ıAroslava Shvedova: Eldiń qoldaýyn seziný – úlken baqyt
- ıAroslava, aldaǵy matchtyń mańyzdylyǵy sondaı, Qazaqstan quramasy jeńiske jetken jaǵdaıda óz tarıhynda ekinshi ret áıelder arasynda komandalyq álem chempıonynyń fınaldyq kezeńine shyǵady. Árıne, óz alańymyzda oınaıtyndyqtan, qazaqstandyq tennısshilerge qolaıyraq shyǵar, degenmen qarsylasty baǵalamaýǵa bolmaıdy ǵoı?
- Iá, árıne, qaı qarsylas ta aldyna úlken maqsat qoıady. Sondyqtan qapy qalmaý kim-kim úshin de mańyzdy. Sol sebepti biz Astanada oıyn bastalmastan bir apta buryn jınalýdy kózdep otyrmyz. Ortalyq kortta topyraq tóseldi, onda matchtarǵa bári daıyn. Bizde kortqa burynyraq beıimdelip, jaqsylap daıyndalýǵa múmkindik bolady.
- Aldaǵy básekege oıynshylar qandaı jaǵdaıda kelgeli otyr?
- Baptary jaqsy. Maýsymdy tabysty bastap, Aýstralııa ashyq chempıonatynyń fınalyna deıin jetip, Indıan-Ýellste masters jarysyn utqan komanda kóshbasshysy Elena Rybakınanyń jetistigi qýantady. Ol Maıamıde de tabysty oınap jatyr. Anna Danılına men ıÝlııa Pýtıntseva topyraq tósenishinde ádettegideı tamasha oınaýy kerek, ásirese, ıÝlııa topyraq tósenishinde keremet óner kórsete alady. Sondaı-aq komanda jańaryp, Gózal Aınıtdınova men jastar sapynan Janel Rústemova alyndy. Qyzdarǵa qosalqy oıynshy retinde Arýjan Saǵyndyqova kómek kórsetetin bolady. Janel men Arýjan – bizdiń bolashaǵymyz. Biz olardyń negizgi oıynshylardyń qataryna qosylýyn qalaımyz.
- Qarsylasty jaqsy zerttedińiz be? Polshanyń kúshi nede?
- Polsha quramasy – tájirıbe men jastyq ushtasqan tisqaqqan komanda. Olardyń álsiz jaqtaryn da zerttep, izdenetin bolamyz. Jerebe ótken jyly ońynan túsip, irikteý kezeńinde Germanııamen matchty elordada ótkizdik, endi taǵy da Astanada oınaımyz. Tek jeńis úshin bar kúshimizdi salatyn bolamyz jáne súıikti jankúıerlerimizdiń kúshti qoldaýyn kútemiz.
- Jaraqatyna baılanysty álemniń birinshi raketkasy Iga Shventek kelmeıtin boldy – bul bizdiń tabysqa jetýimizge jol asha ma?
- Iga – kóshbasshy, joǵary deńgeıdegi oıynshy, álemniń birinshi raketkasy. Árıne, ol kelgende, qıyn bolatyn edi. Biraq Bıllı Djın Kıng kýbogi komandalyq álem chempıonatynda reıtıng mańyzdy ról atqara bermeıdi. Polsha komandasy Shventeksiz de myqty, álemniń 20-raketkasy Magda Lınett, juptyq synda jaqsy oınaıtyndar bar. Polsha Shventeksiz de qaýipti, muny jaqsy túsinemiz.
- Siz áıelder quramasymen kópten beri jumys jasap kelesiz. Kapıtan retinde bári unaı ma sizge?
- Qazir meniń bar oıym, maqsatym aldaǵy matchta jeńiske jetip, Bıllı Djın Kıng kýboginiń fınaldyq kezeńine shyǵý mindetin oryndaý bolyp otyr. Eń bastysy, biz qaıda júrsek te, qaıda óner kórsetsek te, eldiń qoldaýyn sezinip kelemiz. Bul – úlken baqyt. Endeshe, el úmitin aqtaýdan basqa maqsat joq bizde.
- Áńgimeńizge rahmet. Polsha quramasymen ótetin matchta qazaqstandyqtarǵa tabys tileımiz.
ıAroslava Vıacheslavovna Shvedova 1987 jyly 12 qyrkúıekte Máskeý qalasynda dúnıege kelgen.
ıAroslava sportshylar otbasynda týyp-ósken. Ákesi Vıacheslav – tennnıs jáne jeńil atletıka bapkeri, anasy, bashqurt qyzy Nurzııa Baǵmanova – 100 kılometrge júgirýden álem chempıony.
2008 jyldan Qazaqstan namysyn qorǵaǵan ıAroslava Shvedova qazaqstandyq tennısshiler arasynan alǵash ret juptyq synda 2010 jylǵy Ýımbldon jáne AQSh ashyq chempıonatynyń jeńimazy atandy.
Sondaı-aq bes márte (tórt dúrkin – juptyq synda, bir ret mıkste) «Úlken dýlyǵa» týrnıriniń fınalyna deıin jetti. Álemniń burynǵy juptyq syndaǵy úshinshi raketkasy.
WTA jarystarynyń 14 dúrkin (bireýi jekeleı synda) chempıony.
Topyraq tósenishinde oınaǵandy jaqsy kóretin ıA.Shvedova Qazaqstan ulttyq quramasy sapynda 30 match ótkizdi.
2020 jyldyń 15 aqpanynan komandanyń oınaýshy kapıtany boldy. 2021 jylǵy sáýirde Argentınamen matchta ulttyq quramadaǵy sońǵy oıynynda kortqa shyqty.
Sol jyldyń qyrkúıeginde mansabyn aıaqtap, birjola bapkerlikke aýysty.
Eske sala keteıik, budan buryn tennısten Polshamen ótein matchqa qatysatyn Qazaqstan quramasy anyqtalǵanyn jazǵan bolatynbyz.
Sondaı-aq álemniń 1-raketkasy Iga Shventektiń jaraqatyna baılanysty Maıamı masters týrnırine qatyspaıtyny habarlandy.
Qazaqstandyq tennısshi Frantsııada negizgi týrnırge joldama aldy.
Elena Rybakına Maıamı masters týrnıriniń ¼ fınalyna shyqty.
11 ret qatarynan jeńiske jetken Rybakına aldaǵy match ta ońaıǵa túspeıtinin aıtty.
Elena Rybakına qatarynan úsh matchta 10-nan astam eıs jasaǵan birinshi tennısshi atandy.
Qazaqstan jasóspirimderi álem chempıonaty irikteý kezeńiniń shırek fınalyna ótti.
Sondaı-aq Rybakına amerıkalyq telearnaǵa bergen suhbatynda jas tennısshilerge kómegi týraly pikir bildirgen edi.