ıAndeks júrgizýshileriniń, kýrerlerdiń eńbek quqyǵy qalaı qorǵalady

<p>ASTANA. KAZINFORM &ndash; Búginde 500 myńnan astam qazaqstandyq ıAndeks Taksı jáne Glovo sekildi platformalarda jumys isteıdi. Bul týraly Májilis depýtaty, Áleýmettik-mádenı damý komıtetiniń tóraǵasy Ashat Aımaǵambetov aıtyp berdi.</p>

Depýtat Memleket basshysynyń mańyzdy tapsyrmalarynyń biri – platformalyq jumyspen qamtýdy retteýge qatysty ekenin eske saldy. 

«Biz qazir Eńbek mınıstrligimen óte jaqsy mehanızmdi pysyqtap jatyrmyz. Qazirgi ýaqytta elimizde 500 myńnan astam azamat ıAndeks Taksı, Glovo jáne basqa platformalarda jumys isteıdi. Bizdiń aldymyzda olardyń quqyqtaryn qorǵaý mindeti tur. ıAǵnı eńbekke jaramsyzdyq paraǵy, eńbek demalysy, salyǵy, medıtsınalyq-áleýmettik saqtandyrý máseleleri jóninde aıtyp otyrmyz. Biz olardy qorǵaýymyz kerek, ol úshin zańnamada tıisti normalar bolýy qajet», - dedi Ashat Aımaǵambetov Qazmedıa ortalyǵynda Eńbek mınıstrliginiń alqa otyrysynda.

Spıkerdiń aıtýynsha, teńdestirilgen zań jobasy daıyndaldy jáne Úkimet osy baǵytta jumys isteýde.

Buǵan deıin Ashat Aımaǵambetov eńbek qatynastary týraly jańa zań jobasyna depýtattar qandaı usynys engizgenin aıtqan edi.