ıAndeks, Ýber, Voltta jumys isteıtinderdiń áleýmettik quqyqtary qalaı qorǵalady
«Pandemııa kezindegi shekteý sharalary jer júzinde jumyspen qamtýdyń zaman talabyna beıim tásilderin qoldanýǵa tyń serpin berdi. Bul úrdisten Qazaqstan da shet qalǵan joq. Buǵan qosa, el ekonomıkasyna tsıfrlandyrý men jańa tehnologııalar da óz áserin tıgizýde. Sońǵy jyldary naqty sektorǵa qaraǵanda, qyzmet kórsetý salasynda jumyspen qamtylǵandardyń sany óse túskenin kórip otyrmyz. Saraptamalyq málimetterge júginsek, Qazaqstanda 500 myńǵa deıin adam platformalyq jumyspen qamtylǵan. ıAǵnı, azamattar ıAndeks, Ýber, Volt jáne Glovo sııaqty túrli onlaın-platformalar arqyly jumys isteıdi», - dedi Eńbek mınıstri Úkimettiń búgingi otyrysynda.
Óz sózinde mınıstr mundaı rejımniń turǵyndarǵa óte yńǵaıly ekenin atap ótti. Alaıda, onyń basty kemshiligi – jumyspen qamtylǵandar úshin áleýmettik kepildiktiń joqtyǵy.
«Bir sózben aıtqanda, ondaı azamat jumyssyz qalsa nemese júktiligine jáne balaly bolýyna baılanysty jumysyn toqtatsa, Memlekettik áleýmettik saqtandyrý qorynan qajetti áleýmettik tólem ala almaıdy. Osyǵan baılanysty, bul azamattardy áleýmettik qamsyzdandyrý júıesine tartý úshin, onlaın platformalardyń negizgi operatorlarymen kezdesý ótkizdik. Olarmen birge bıylǵy 1 shildeden bastap qamtý shemalaryn pılottyq rejımde júrgizý týraly sheshim qabyldadyq. Jumystyń nátıjesin jyl sońyna qaraı usynamyz. Platformalyq jumyspen qamtýdy tanyp, ony zańdastyrý arqyly biz azamattarǵa yńǵaıly rejımdi saqtaı otyryp, olardyń eńbek jáne áleýmettik quqyqtaryn qorǵaýdy kózdeımiz», - dedi Tamara Dúısenova.
Buǵan deıin Tamara Dúısenova 24-30 maýsym kúnderi bos jumys oryndarynyń alǵashqy onlaın-jármeńkesi ótetinin habarlaǵan edi.
Sondaı-aq, mınıstr Qazaqstandaǵy jumys kúshiniń 60% mıllenıaldar men Z býyn enshisinde ekenin aıtqan.