ıAndeks Taksı Qostanaı qalasynyń ýaqytsha ornalastyrý pýnktterine evakýatsııalaýǵa kómektesedi

<p>QOSTANAI. KAZINFORM - Qostanaı qalasynyń kez kelgen ýaqytsha ornalastyrý pýnktine sapar quny 10 teńgeni quraıdy, bul jaǵdaıda júrgizýshiler tapsyrysqa tolyq tólemaqy alady. Evakýatsııalaý aımaǵy men pýnktterdiń tizimi sý tasqynynyń saldaryn joıý jónindegi ýákiletti qyzmettermen yntymaqtastyqta aıqyndaldy.</p>

Qostanaı qalasyndaǵy qaýipti aımaqtan evakýatsııalaý kezinde taksı saparynyń quny 10 teńgeni quraıdy. Osylaısha Qostanaı oblysynyń (Qostanaı, Tobyl) servıspen qamtý aımaǵynan qala boıynsha sý tasqynynan zardap shekken turǵyndardy resmı ýaqytsha ornalastyrý pýnktteriniń birine barýǵa bolady. Mundaı tapsyrystardy oryndaıtyn júrgizýshiler saparlar úshin tolyq tólemaqy alady, óıtkeni qun aıyrmashylyǵyn kompanııa óteıdi.

Budan buryn ıAndeks Qazaqstan zattardy ıAndeks Go qosymshasy arqyly resmı gýmanıtarlyq kómek jınaý pýnktterine sol baǵaǵa - 10 teńgege jetkizýge bolatynyn jarııalaǵan bolatyn. Al «qyzyl aımaqta» ıAndeks Go seriktesteri jınalǵan kómekti sý tasqynynan zardap shekkenderdi ýaqytsha ornalastyrý pýnktterine jetkizedi.

Karty saıtynda búkil el boıynsha gýmanıtarlyq kómek jınaý pýnktterin, sondaı-aq BQO, Qostanaı jáne Atyraý oblystarynda ýaqytsha ornalastyrý pýnktterin tabýǵa bolady. Sonymen birge sý tasqynyna baılanysty ýaqytsha jabylǵan joldar týraly aqparat shuǵyl túrde jańartylyp otyrady.

Óńirler boıynsha mańyzdy aqparat pen jedel jelilerdiń baılanys derekteri bar tótenshe jaǵdaı týraly habarlandyrýlar ıAndekstiń basty izdeý betinde jáne ıAndeks, ıAndeks Karty, ıAndeks Braýzer, ıAndeks Go qosymshalarynda qoljetimdi.

Mańyzdy baılanys derekteri men siltemeler

Qostanaı qalasynyń ýaqytsha ornalastyrý pýnktteri kartada (tizim jańartylýy múmkin)

Sý tasqynynan zardap shekkenderge gýmanıtarlyq kómek qabyldaý pýnktteri kartada

Qostanaı oblysy boıynsha jedel jeli telefony [phone]