ıAndeks Astanadaǵy kýrerler narazylyǵyna pikir bildirdi

ASTANA. QazAqparat - «ıAndeks jetkizý» elorda ortalyǵyndaǵy kýrerler narazylyǵyna pikir bildirdi, dep habarlaıdy QazAqparat tilshisi.

«ıAndeks jetkizý» baspasóz qyzmeti kýrerlerge arnalǵan yntalandyrý baǵdarlamalarynyń birinde sharttardy tehnıkalyq jańartý júrgizilgenin habarlady.

Sonymen qatar jetkizý qyzmetimen aınalysatyn jumysshylarǵa barlyq bonýsty birneshe kúnniń ishinde aýdarmaq, somasy qosymshada kórinip turady.

«Bizde seriktester men kýrerlerge arnalǵan yntalandyrý baǵdarlamasy bar. Ótken aptada baǵdarlamalardyń biriniń shartyn tehnıkalyq jańartý júrgizildi. Bonýstar taıaý birneshe kúnniń ishinde aýdaryatyn bolady. Somasy kýrerlerdiń qosymshasynda kórinip turady. Suraqtar týyndaǵan jaǵdaıda birden qoldaý kórsetý qyzmetine júginýge keńes beremiz», - dep atap ótedi kompanııadan.

Taratylǵan aqparatta sońǵy jarty jylda Astanadaǵy ıAndks servısimen jumys isteıtin kýrerlerdiń 1 saǵatta tabatyn ortasha tabysy tómendemegeni aıtylady.

Búginde ol mototarıf - 1 700, al avtomobılmen tasymaldaýshylar úshin - 1 900 teńge.

Esterińizge sala ketsek, buǵan deıin «ıAndeks» kýrerleri narazylyqqa shyqqany týraly aqparat taraǵan bolatyn.

Olar qoldanystaǵy eńbek sharttaryna kóńili tolmaıtynyn bildirgen edi.