ıAkýtter ulttyq kıimin qadirleýden rekord ornatty

ASTANA. QazAqparat - ıAkýtııa astanasynyń turǵyndary men qonaqtary kezekti Gınnes rekordyn ornatty. Bul joly Ýs Hatyn jerindegi Ysyaha Týımaady-2017 merekesine 16 620 ıakýt ulttyq kıimmen kelgen. Rekordty resmı sýdıa Pravın Patel tirkedi, dep habarlaıdy YakutiaMedia aqparat agenttigi.

Tarıhı oqıǵaǵa qatysqan ıAkýtııanyń basshysy Aısen Nıkolaev: «Ulttyq kıimderimizdi qaıta jańǵyrtýymyz kerek. Sebebi ol Saha halqynyń  mádenıeti men dástúrindegi mańyzdy ról atqarýshy», - dedi.

Rekordtyń qatysýshylary sharaǵa joǵary daıyndyqpen kelgen. Qymyz ishetin orynǵa tek ıakýttyń ulttyq kıimin kıip kelý talap etilgen eken.

«Bul rekordtyń jańa sanaty. Buǵan deıin ártúrli ulttyq kıimderdegi adamdardyń sany boıynsha rekord ornatylyp, oǵan 250 adam qatysqan edi. Jalpy Gınnes rekordynyń basty talaby barlyq erejeni oryndaýdan turady. Biz ıakýttyq kıimdi kórdik, olardyń «replıkasymen» de tanysyp, qabyldadyq. Rekord shektelgen aımaqta ótýi kerek. Barlyq qatysýshylar óz oryndarynda rekord aıaqtalǵanǵa deıin turýy kerek. Barlyǵy 16 620 adam qatysty», - dedi Patel óz sózinde.

Eske sala keteıik, bul saha halqynyń birinshi rekordy emes. Olar 2011 jyly varganda áýen oınap rekord ornatqan edi. Sosyn 2012 jyly sheńbermen júrip án aıtýdan, 2014 jyly 11 myń adam bir ýaqytta qymyz iship eldi tańǵaldyrǵan bolatyn.