ıAkýtııanyń 12 aýdanynda orman órtenip jatyr
«Qaýipti jaǵdaı Aldansıı, Gornyı, Jıganskıı, Kobıaıskıı, Mırnınskıı, Nerıýngrınskıı, Olekmınskıı, Oımıakonskıı, Ýst-Maıskıı, Tomponskıı, Hangalasskıı jáne Sýntarskıı aýdandarynda saqtalýda. Bul aýmaqta 266 órt oshaǵy tirkelgen. Órt aýdany 906 myń gektarǵa jetip otyr», - dedi qutqarýshylardyń baspasóz qyzmetinde.
Áýe ormandy saqshylarynyń sońǵy derekteri boıynsha, qazirgi kezde óńir aýmaǵynda 323 tabıǵı órt janýda, táýlik ishinde 19-y aýyzdyqtaldy, órtti sóndirýge 2 749 adam jáne 362 tehnıka birligi jumyldyrylǵan. Qutqarýshylar negizgi kúshterin eldi mekenderdi tabıǵı órttiń saldarynan qorǵaýǵa baǵyttady. Órttiń úzdiksiz monıtorıngi júrgizilip otyr.
«Bir táýlik ishinde órt sany 17 oshaqqa kóbeıdi, órttiń ósýi, naızaǵaı fronttarynan ótýi, sonymen qatar 13 aýdannyń aýmaǵynda 4-5 klastyq órt qaýpiniń saqtalýymen baılanysty tabıǵı órttiń aýdany 135 myńnan asa gektarǵa ósti», - dedi TJM ıAkýtsk bas basqarmasynyń bastyǵy Pavel Garın.
Jazdyń basynan beri Reseıde orman órti kúndelikti ıAkýtııa jerinde tirkelýde. Óńirdegi barlyq ormandardyń aýdany – 256,1 mln ga (sýbekt aýmaǵynyń 83,4%-y). 2020 jyly orman órti bolǵan aýdan 6 mln gektarǵa kóbeıdi. Qazir ıAkýtııada orman órtterinen tótenshe jaǵdaı rejımi engizilgen. 1 shildeden bastap órt qaýipsizdigin qamtamasyz etý maqsatymen adamdar men transporttyq quraldardyń ormandarǵa kelýi, ormandarda belgili bir jumystardyń júrgizilýi shekteldi.