ıAdrosyz álem boıynsha bedeldi jahandyq uıym qurý qajet – Nursultan Nazarbaev
«BUU sessııalarynyń birinde «Álem jáne HHІ ǵasyr» manıfesimde soǵys pen ıadrolyq qarýdan túbegeıli bas tartyp, Turaqty álem geografııasyn qalyptastyrý qajettigin aıtqan edim. Jappaı qyryp-joıý qarýyn taratpaý halyqaralyq júıesi negizderiniń joǵalýynan jáne Iran men Koreıa halyqtyq demokratııalyq respýblıkasynyń ıadrolyq baǵdarlamalarynyń shıelenisýinen bul másele ózektilene tústi. Álemde ıadrolyq qarýsyzdandyrý men taratpaýdy nasıhattaıtyn bedeldi jahandyq platforma qurý qajettigi artyp keledi. Osyǵan baılanysty, ıAdrosyz álem úshin jahandyq kóshbasshylar alıansyn qurý bastamasyn kóterý qajet dep eseıteımin», - dedi Elbasy Astana Club plenarlyq otyrysynyń ashylýynda.
Onyń aıtýynsha, álemniń jetekshi ǵalymdary, bedeldi saıasatkerleri ıadrolyq qarýdy taratpaý isinde kúsh-jigerin biriktire alar edi.
«Bizdiń klýb qatysýshylaryna osyndaı halyqaralyq birlestik qurý keleshegin talqylaýdy usynamyn», - dedi Nursultan Nazarbaev.
Aıta keteıik, 11-12 qarasha kúnderi «Nazarbaev Ortalyǵynda» álemniń jetekshi dıplomattary men saıasatkerleriniń jáne sarapshylarynyń basyn qosatyn «Astana klýbynyń» besinshi otyrysy ótýde. Mereıtoılyq otyrys taqyryby «Úlken Eýrazııa: jahandyq yntymaqtastyqtyń jańa qurylymy jolynda» dep atalady. Klýbtyń saraptamalyq talqylaýyna AQSh, Qytaı jáne Reseı arasyndaǵy qyrǵı-qabaqtyń ýshyǵýy, saýda protektsıonızmi men popýlıstik kóńil-kúıdiń artýy, sondaı-aq Iran men Soltústik Koreıa tóńireginde jańa shıelenisterdiń boı kórsetýi máseleleri arqaý bolmaq.
Buǵan deıin Elbasy Eýrazııa qaýipsizdigi boıynsha ózekti máselelerdi atap kórsetken edi.