ıAdrolyq synaqtarǵa qarsy is-qımyldar kúni jyl saıyn joǵary deńgeıde atalatyn bolady - BUU
«Jańa qarar jobasy Bas Assambleıa Prezıdentinen ıAdrolyq synaqtarǵa qarsy is-qımyldar halyqaralyq kúnin atap ótý jáne ilgeriletý maqsatynda jyl saıynǵy joǵary deńgeıdegi plenarlyq otyrys uıymdastyrýdy suraıdy» delingen baspasóz baıanynda.
Qazaqstan Respýblıkasynyń bastamasymen 2009 jylǵy 2 jeltoqsanda BUU Bas Assambleıasy 29 tamyzdy - ıAdrolyq synaqtarǵa qarsy is-qımyldar halyqaralyq kúni retinde bekitken bolatyn. 1991 jyly dál osy kúni Qazaqstan Respýblıkasynyń Prezıdenti Nursultan Nazarbaevtyń Jarlyǵymen álemdegi aýqymy jaǵynan ekinshi úlken ıadrolyq synaq alańy sanalǵan Semeı polıgony jabyldy.
2010 jyldan bastap, osy kún álemdik deńgeıde keńinen atalyp, al BUU qabyrǵasynda jyl saıyn Bas Assambleıa Prezıdentiniń tóraǵalyǵymen beıresmı otyrys ótkizilip otyrdy. Alaıda mundaı jyl saıynǵy sharalar Assambleıa Prezıdentimen olardy uıymdastyrýǵa qajetti mandatsyz júrgizilip kelgen bolatyn. Sol sebepti Qazaqstan tıisti mandatty qosý úshin osy joly qararǵa arnaıy tarmaq qosý týraly bastama kóterdi. Onda Bas Assambleıa «ıAdrolyq synaqtarǵa qarsy is-qımyldar halyqaralyq kúnin atap ótý jáne ilgeriletý maqsatynda Assambleıa Prezıdentinen jyl saıynǵy joǵary deńgeıdegi plenarlyq otyrys uıymdastyryp otyrýdy suraıtyny» qamtyldy.
«BUU-ǵa múshe memleketter qararǵa atalǵan tarmaqty qosýǵa biraýyzdan qoldaý kórsetti. Osylaısha álemdik qoǵamdastyq ıadrolyq synaqtarǵa tolyq tyıym salý úshin Halyqaralyq kúnniń ózektiligi týraly ustanymdarynyń ortaqtyǵyn tanytty. Osy áreketimen dúnıejúzilik qaýymdastyq bul kúnniń ıadrolyq synaqtar qurbandaryna taǵzym etý jáne halyqaralyq turaqtylyq pen qaýipsizdikke tónip otyrǵan orasan qaýip týraly adamzattyń esine salý turǵysynan mańyzdylyǵyn aıshyqtap ótti», delingen baspasóz baıanynda.
Birinshi komıtet aldynda sóz sóılegen BUU janyndaǵy Qazaqstannyń Turaqty Ókili Qaırat Omarov 29 tamyzdyń Qazaqstan úshin ǵana emes, álemniń kóptegen elderi men ıadrolyq synaqtardan japa shekken mıllıondaǵan adamdar úshin tarıhı mańyzyn atap ótti. Ol álemdi ıadrolyq synaqtarǵa tolyq tyıym salý jolyndaǵy kúresti biraýyzdan jáne tegeýrindi senimmen jalǵastyrýǵa shaqyrdy.
«Bizdiń taǵdyrymyz ortaq, sondyqtan, Turaqty Damý maqsattarynyń termınologııasymen aıtqanda, «esh nárse de umyt qalmaýy tıis». Al qarýsyzdaný tilimen sóılesek, «bir-birimizge qamqorlyq tanytýymyz qajet». Solaı ǵana barsha adamzat pen qasıetti planetamyzdy qutqara alamyz jáne adamzattyń qamy úshin birinshi kezekte ıadrolyq qarýdy synaýdy túbegeıli doǵarý talap etiledi» - deı otyryp, qazaqstandyq dıplomat ıAdrolyq synaqtarǵa qarsy is-qımyldar halyqaralyq kúnin atap ótý dástúrin jalǵastyrýǵa qoldaý tanytýdy surady.
Sóz sońynda Q.Omarov jańartylǵan jobany ázirleý boıynsha beıresmı konsýltatsııalarǵa belsendi qatysqan barlyq memleketterge, sondaı-aq onyń 42 demeýshisine erekshe alǵysyn bildirdi.