ıAdrolyq qarýsyzdandyrýdy jedeldetýde Qazaqstannyń abyroıy zor - Global Security Institute basshysy

NЬıÝ-IORK. QazAqparat - ıAdrolyq qarýsyzdandyrý isine kelgende Qazaqstannyń abyroıy zor, moraldyq quqyǵy basym. Osy sebepti Qazaqstannyń BUU Qaýipsizdik Keńesinde tóraǵalyq etýi - bul salanyń alǵy jyljýynda tarıhı sátti týdyryp otyr. Qazaqstandyq tilshilerge suhbat bergen Global Security Institute antııadrolyq qor dırektory Djonatan Granoff (Jonathan Granoff) osyndaı pikirimen bólisti, dep habarlaıdy «QazAqparat» HAA tilshisi.

«Myńdaǵan ıadrolyq qarýdan bas tartqan Qazaqstannyń ıadrolyq qarýsyzdandyrý salasynda atqarar róline baǵa jetpeıdi. 450 ıadrolyq synaqty basynan ótkergen el retinde Qazaqstan halyqtyń densaýlyǵyna osynaý kesapattyń qalaı zııan tıgizetinin biledi. ıAdrolyq qarýdyń qanshalyqty qaýipti ekenin áldeqashan túısinip qoıǵan. ıAdrolyq qarýlardyń taralmaýyna kelgende Qazaqstan úlken áleýet pen zor abyroıǵa ıe», - deıdi ol.

Onyń aıtýyna qaraǵanda, Qazaqstannyń BUU Qaýipsizdik Keńesinde tóraǵalyq etýi ıadrolyq qarýsyzdandyrý salasyn alǵy jyljytýda tarıhı sátti týdyryp otyr.

«N. Nazarbaev birjolata ıadrolyq qarýlardan bas tartyp, olardyń kózin joıýǵa shaqyrdy. Osylaısha, beıbitshilikti súıetin memleket keleshektiń turaqty álemine altyn kópir salyp berdi. Sizderdiń elderińizdiń AQSh, Reseı, Qytaı, Úndistan, Pákistan men ıadrolyq qarýlary bar ózge memlekettermen qarym-qatynasy jaqsy. Sondyqtan, bárine birdeı dıalog alańyn quryp bergen Qazaqstannyń róli mańyzdy», - deıdi D.Granof.

Sarapshynyń aıtýynsha, dál qazirgi kezeńde Qazaqstannyń qaǵıdatynyń teńdesi joq. Sebebi, «ıadrolyq klýbtyń» memleketteri qaýipti qarýlardy jańartý men kóbeıtý baǵytynda jumysyn kúsheıte túsken.

«Qazaqstan jappaı qyrǵynǵa jetkizetin qarýlardan múlde ada álemdi qurý jolynda jumys júrgizip jatyr. Bul baǵytta Nursultan Nazarbaevtyń «Álem. HHІ ǵasyr» aty manıfesi - óte mańyzdy qujat bolyp tabylady. Barlyq memleketterdiń basshylaryna óte qajetti osynaý qujatty Qazaqstan halqy maqtan tuta bilýi kerek», - deıdi sarapshy.

D.Granof óz sózinde Qazaqstannyń kópultty memleket ekenin, soǵan qaramastan beıbitshilik pen turaqtylyqty saqtaı bilgen el ekenin eske saldy.

«Qazaqstan barlyq álem elderine úlgi bolyp otyrǵanyn atap ótken abzal. Qazaqstandy biz durys baǵytta jyljyp bara jatqan memleket retinde bilemiz. Men amerıkalyq azamat retinde sizderdiń memleketterińizge zor alǵysymdy bildirgim keledi» - dep túıdi pikirin D.Granof.