ıAdrolyq qarýǵa qarsy qazaqstandyqtardyń qoly bar qujat BUU-ǵa jiberilmek

SEMEI. QazAqparat - «Nevada-Semeı» halyqaralyq antııadrolyq qozǵalysy ıadrolyq qarýǵa jahandyq deńgeıde tolyq tyıym salýdy qoldaý maqsatynda qazaqstandyqtardyń qolyn jınap, ony BUU jáne ózge de halyqaralyq uıymdarǵa joldamaq, dep habarlaıdy QazAqparat tilshisi.   SEMEI. QazAqparat - «Nevada-Semeı» halyqaralyq antııadrolyq qozǵalysy ıadrolyq qarýǵa jahandyq deńgeıde tolyq tyıym salýdy qoldaý maqsatynda qazaqstandyqtardyń qolyn jınap, ony BUU jáne ózge de halyqaralyq uıymdarǵa joldamaq, dep habarlaıdy QazAqparat tilshisi. 

Búginde Qazaqstan jappaı qyryp-joıý qarýynan bas tartqan memleket retinde kóptegen elderge úlgi bolyp otyr. Osy oraıda, «Nevada-Semeı» halyqaralyq antııadrolyq qozǵalysy ıadrolyq jarylystarǵa qarsylyq bildirip, olardyń taralýyn boldyrmaý jáne álem halyqtary arasynda beıbitshilikti qoldaý maqsatynda el turǵyndarynyń qolyn jınaýdy maqsat etip otyr. Búginde qozǵalys músheleri túrli kásiporyndar men mekemelerdiń, eńbek ujymdary men qarapaıym turǵyndardyń arasynda bul kampanııanyń maqsat-mindetterin túsindirýge kirisip ketti.

Atap ótilgendeı, qoldardy jınaýdy qozǵalystyń 30 jyldyq mereıtoıy qarsańynda, ıaǵnı 2019 jyldyń aqpanynda aıaqtaý kózdelgen. Keıin ol BUU-ǵa, halyqaralyq uıymdar men álemdik qaýymdastyqtarǵa jiberiletin bolady.

«Prezıdent Nursultan Nazarbaev 1991 jyly polıgondy jabý týraly Jarlyqqa qol qoıdy. 1993 jyly Elbasy Almatyda ótken ekinshi halyqaralyq antııadrolyq forýmda álem jurtshylyǵyna ıadrolyq synaqtarǵa moratorıı jarııalaýdy usyndy. 2006 jyly Semeıde Ortalyq Azııadaǵy ıadrolyq qarýsyz aımaq jóninde kelisimshart jasaldy. 2009 jyly Semeıde ótken «Beıbitshilik mıssııasy» mıtıngisinde 29 tamyz kúniniń mańyzdylyǵy týraly aıtty. Mine, osynyń bári bizdiń eldiń beıbit ómirdi jaqtaıtyndyǵynyń kórinisi. Eger álemde ıadrolyq qarý joıylmasa, beıbitshilik bolmaıdy. Betin ári qylsyn, aıaq asty ІІІ dúnıejúzlik soǵys bastalsa onda jeńimpaz bolmaıdy. Óıtkeni ıadrolyq qarý barlyq adamzatty joıýýy múmkin», - deıdi «Nevada-Semeı» Halyqaralyq antııadrolyq qozǵalysynyń vıtse-prezıdenti Sultan Qartoev.