XXIV qysqy Olımpıada oıyndarynyń bir klasteri týrısterge jabylady

BEIJІŃ. QazAqparat - Chjantszıakoý qalasynyń Chýnlı qalasy - XXIV qysqy Olımpıada oıyndarynyń bir klasteri 2022 jyldyń 4 qańtarynan 30 naýryzyna deıin týrıster úshin jabylady, dep habarlaıdy QazAqparpı menshikti tilshisi.

Chjantszıaký qalasynyń Mádenıet jáne týrızm basqarmasynyń habarlamasyna sáıkes iri halyqaralyq is-sharalar men olarǵa daıyndyq jumystaryn júrgizýdi qamtamasyz etý úshin Chýnlı aýdany men onyń taý shańǵysy bazalary osy jyldyń 4 qańtarynan 30 naýryzyna deıin týrısterdi qabyldamaıdy.

Chjantszıakoý qalasynyń Chýnlı aýdany (Hebeı provıntsııasy, QHR) teńiz deńgeıinen 800-2200 metr bıikte ornalasqan. Munda qysqy Olımpıadanyń tórt jarys alańy - Ulttyq tramplınnen sekirý ortalyǵy, Ulttyq shańǵy ortalyǵy, Ulttyq bıatlon ortalyǵy jáne Genting qar parki salyndy. Bul sport nysandarynda tramplınnen sekirý, shańǵy jarysy, bıatlon, frıstaıl, snoýbord jáne basqa da qysqy sport túrleri boıynsha jarystar ótedi.
Avtory Rýslan Súleımenov