XXIII qysqy Olımpıada oıyndaryna 50 kún qaldy

ASTANA. QazAqparat - 2018 jyldyń 9-25 aqpany aralyǵynda Ońtústik Koreıanyń Phenchhan qalasynda ótetin qysqy Olımpıada oıyndarynyń bastalýyna búgin týra 50 kún qaldy, dep habarlaıdy QazAqparat.

Aq Olımpıadaǵa álemniń 80 elinen 5000-nan astam sportshysy men resmı ókil qatysady. Sporttyń 15 túrinen 102 medal jıyntyǵy sarapqa salynady.

Qazaqstan sportshylary kelesi jyldyń aqpan aıynyń basyna deıin Olımpıadaǵa joldamalar sarapqa salynatyn dodalarda baq synamaq.Qazirge deıin el qorjynynda 23 olımpıadalyq lıtsenzııasy bar. Onyń 10-y bıatlonnan, 10-y short-trekten, úsheýi mánerlep syrǵanaýdan.

Jalpy Qazaqstan sportshylary qysqy Olımpıada oıyndarynda sporttyń 9 túrinen el namysyn qorǵaıdy. Olar: bıatlon, mánerlep syrǵanaý, taý shańǵysy jarysy, short-trek, konkımen syrǵanaý, shana sporty, shańǵy tebý, tramplınnen shańǵymen sekirý, frıstaıl (akrobatıka, mogýl).

Esterińizge sala keteıik, qysqy Olımpıadalarda Qazaqstan ulttyq qurama komandasy osyǵan deıin jalpy 7 medal jeńip alǵan. Olardyń ishinde - bir altyn, úsh kúmis jáne úsh qola medal bar.