XVII «Eýrazııa» halyqaralyq kınofestıvali demeýshiler esebinen ótedi

<p>ALMATY.KAZINFORM &ndash; XVII &laquo;Eýrazııa&raquo; halyqaralyq kınofestıvaline bıýjetten qarjy qarastyrlymaǵan. Bul týraly XVII &laquo;Eýrazııa&raquo; halyqaralyq kınofestıvaliniń resmı baspasóz konferentsııasy barysynda Sháken Aımanov atyndaǵy &laquo;Qazaqfılm&raquo; ulttyq kınostýdııasy prezıdentiniń mindetin atqarýshy dırektory Aıdar Omarov aıtty.</p>

XVII halyqaralyq «Eýrazııa» kınofestıvaliniń dırektory Aıdar Omarovtyń aıtýynsha, festıvaldi uıymdastyrý Sháken Aımanov atyndaǵy «Qazaqfılm» ulttyq kınostýdııasyna tapsyryldy.

«Munyń ózindik sebebi de bar. Bıyl kınostýdııa birneshe mańyzdy mereıtoıdy atap ótip jatyr. Birinshiden, kınostýdııanyń 90 jyldyǵy. Ekinshiden, qazaq kınosynyń maıtalmany – Sháken Aımanovtyń týǵanyna 110 jyl jáne «Qazaqfılm» kınostýdııasyna onyń esimi berilgenine 40 jyl toldy. Aldaǵy festıvalde osy aıtýly kúnderge erekshe mán berilmek», - dedi ol.

Aıdar Omarovtyń sózinshe, halyqaralyq kınofestıval demeýshiler esebinen ótedi.

«XVII «Eýrazııa» halyqaralyq kınofestıvaline bıýjetten qarjy qarastyrlymaǵan. Ol tolyq demeýshilerdiń kómegimen uıymdastyrylyp jatyr. Atap aıtar bolsam, Bazis-A halyqaralyq qurylys kompanııasy, KAZ Minerals taý-ken kompanııasy, Sarens Kazakhstan, Salem Entertainment, Kinopark Theatres kınoteatrlar jelisi jáne Astana Motors»,- dedi spıker.

Eske salaıyq, halyqaralyq «Eýrazııa» kınofestıvali 2024 jyldyń 24-30 qarasha aralyǵynda Almatyda ótedi. Festıvalge 15-ten astam el qatysady. 

Kınofestıvaldiń tolyq baǵdarlamasymen silteme arqyly tanysa alasyz.