XIX ǵasyrda shyqqan 300-ge jýyq qundy kitaptyń tsıfrly kóshirmesi jasaldy

ALMATY. QazAqparat – XIX ǵasyrda jaryq kórgen 300-ge jýyq qundy ádebı jádigerlerdiń tsıfrly kóshirmesin jasaldy, dep habarlaıdy QazAqparat.

«2020 jyly Qyzdar ýnıversıtetiniń elektrondy kitaphanasy 20 ǵylym salasy boıynsha oqý quraldary men XIX ǵasyrda jaryq kórgen 300-ge jýyq qundy ádebı jádigerlerdiń tsıfrly kóshirmesin jasady», - deıdi oqý ornynyń baspasóz ortalyǵynyń basshysy Jandar Asan.

Sondaı-aq «Rýhanı jańǵyrý» baǵdarlamasy aıasynda shyqqan «Jańa gýmanıtarlyq bilim. Qazaq tilindegi 100 jańa oqýlyq» jobasy boıynsha qazaq tiline aýdarylǵan kitaptardyń elektrondy nusqasy da júkteldi.

Kitaphana oqyrmandarynyń kez kelgen ádebıetti kompıýterge nemese mobıldi telefonǵa júktep alý múmkindigi qarastyrylǵan.

Aıta keteıik, oqý ornynyń elektrondy kitaphana qorynda 10 myńnan astam ádebıet saqtaýly. Onyń ishinde lıtsenzııalandyrylǵan taspalar, oqýlyqtar men sırek basylymdardyń elektrondy jáne tsıfrlandyrylǵan nusqalary bar.

Jalpy alǵanda ǵylymı kitaphanadaǵy ádebıetter qory 1 mln-nan asady.

Basylymdardyń 700 myńǵa jýyǵy oqý quraldary bolsa, 192 myńnan astamy ǵylymı baǵyttaǵy kitaptar. Al kórkem ádebıettiń úlesi 142 myń kólemde.