X Frederık Danııanyń koroli bolyp jarııalandy

<p>II Margrete bıliginiń 52 jyldyq tarıhy aıaqtaldy. Danııa patshaıymy ulynyń paıdasyna taǵynan resmı túrde bas tartty. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://kaz.inform.kz/" target="_blank" rel="noopener">Euronews</a>-ke silteme jasap habarlaıdy.&nbsp;</p>

H Frederık Danııanyń jańa koroli boldy. Patshaıym II Margrete jeksenbi kúni Kopengagendegi Krıstıansborg saraıynda úlken ulynyń paıdasy úshin taqtan bas tartýǵa qol qoıdy.

– Patshany saqta, Qudaı! – dedi de, zaldan shyǵyp ketti.

83 jastaǵy Margrete jańa jyldaǵy sóılegen sózinde taǵyn danııalyqtarǵa qaldyrý týraly sheshimin málimdegen bolatyn. Ol eldiń 900 jylǵa jýyq tarıhynda taqtan óz erkimen bas tartqan alǵashqy monarh bolyp otyr.

Premer-mınıstr Mette Frederıksen Krıstıansborg balkonynan úsh ret «Ýra!» dep aıqaılap, H Frederıkti korol dep jarııalady. Saraı janyndaǵy alańda myńdaǵan danııalyq ony áıeli, qazirgi hanshaıym Merı jáne balalarymen birge qarsy aldy.

Olardyń úlken uly, 18 jastaǵy Krıstıan resmı túrde Danııanyń taq murageri boldy.

Buryn habarlanǵandaı, Memleket basshysy Qasym-Jomart Toqaev Danııanyń jańadan taqqa otyrǵan Koroli X Frederıkti quttyqtady.

Sonymen qatar Prezıdent Patshaıym laýazymynan merziminen buryn óz erkimen ketip, taq murageri Frederık hanzadany Danııa Koroli retinde jarııalaǵan II Margretege de jedelhat joldady.