www.egov.kz portaly arqyly qazaqstandyqtar azamattyń áreketsiz zańdy tulǵanyń qatysýshysy bolǵany-bolmaǵanyn teksere alady

ASTANA. 28 naýryz. QazAqparat - www.egov.kz portaly arqyly qazaqstandyqtar jeke tulǵanyń (sondaı-aq, zańdy tulǵanyń) áreketsiz zańdy tulǵanyń qatysýshysy bolǵany-bolmaǵanyn teksere alady. Mundaı aqparat zańdy tulǵany tirkeý nemese qaıta tirkeý kezinde kerek.

Bul týraly QR Kólik jáne kommýnıkatsııalar mınıstrliginiń baspasóz qyzmetinen habarlaıdy.

Aqparatty alý úshin qoldanýshyǵa «elektrondyq úkimettiń» portalynda tirkelip, avtorlandyrýdan ótý, sodan keıin - «Elektrondyq qyzmet kórsetýler» bólimin tańdaý kerek. Sodan keıin QR Ádilet mınıstrliginiń jelisi boıynsha usynylyp otyrǵan e-qyzmetterdiń tiziminen «Áreketsiz zańdy tulǵalarǵa qatystylyqty tekserý» qyzmetin tańdaý qajet. Sodan keıin qoldanýshy tekserilip otyrǵan jeke nemese zańdy tulǵanyń STN-in engizip, óziniń onlaın-ótinimin jiberý kerek.

Qyzmet kórsetý ýaqyty 30 mınýttan aspaıdy. Saýal nátıjesi «Qyzmetterdi alý tarıhy» bóliminde shyǵarylady.

Eger zańdy nemese jeke tulǵa áreketsiz zańdy tulǵalarǵa qatyspasa, ótinim berýshi sáıkestendirilgen habarlama alady.

Eger áreketsiz zańdy tulǵalarǵa qatysý anyqtalsa, qoldanýshy PDF formatyndaǵy e-anyqtamasyn alady. Ony elektrondyq túrde saqtaýǵa nemese qaǵazǵa shyǵarýǵa bolady.

Qyzmettiń bul túri tegin. Oǵan qosa, ony alý úshin elektrondyq sandyq qoltańba qajet emes. Bul qyzmet týraly https://3cm.kz/b0d7b siltemesi arqyly jaqynyraq tanysa alasyz.

Búginde «elektrondyq úkimettiń» portalynda 2000-nan astam aqparattyq, sondaı-aq 219 ınteraktıvtik jáne tranzaktsııalyq qyzmet kórsetýler usynylǵan.