WTI munaıy sońǵy eki jyldaǵy baǵasyna kóterildi
08:26, 25 Qarasha 2017
ASTANA. QazAqparat - WTI markaly munaı baǵasy 2015 jyldyń 30 maýsymynan beri alǵash ret bir barreli úshin 59 dollardan asty. Bul baǵa Keystone qubyr jelisiniń jabylýy saldarynan AQSh qorynyń azaıýyna jasalyp otyrǵan boljamdar negizinde qalyptasty, dep habarlaıdy RIA Jańalyqtar agenttigi.
«Máskeý ýaqytymen saǵat 21.49-daǵy jaǵdaı boıynsha Brent markaly soltústikteńizdik munaı qospasynyń qańtar aıyndaǵy fıýchersi 0,5 paıyzǵa ósip, 63,87 dollarǵa deıin jetti. Al WTI markaly munaıdyń qańtardaǵy fıýchersteri 1,64 paıyzǵa qymbattap, 58,97 dollarǵa kóterildi.
Buǵan deıin WTI markasy barreli úshin 59,03 dollarǵa saýdalanǵan bolatyn.