WTA qorytyndy týrnıri: Elena Rybakına Marııa Sakkarıdi utty

<p>Qazaqstannyń birinshi, álemniń 4-raketkasy Elena Rybakına Meksıkanyń Kankýn qalasynda ótip jatqan WTA qorytyndy týrnırinde ekinshi matchyn ótkizdi, dep habarlaıdy <a href="Kazinform" target="_blank" rel="noopener">Kazinform</a>.</p>

Qazaqstandyq tennısshi álemniń 9-raketkasy, grekııalyq Marııa Sakkarımen kortqa shyqty.
Elena Rybakına kezdesýdi tamasha bastap, nebári 22 mınýtqa sozylǵan birinshi partııada qarsylasyna esh múmkindik qaldyrǵan joq – 6:0.

Tartysty órbigen ekinshi sette taı-breıkte grekııalyq sportshy sátti oınady – 7:6 (7:4).

Úshinshi, sheshýshi partııada esep 3:2 bolǵan mezette Elena breık jasaı bildi – 4:2. Biraq izinshe Marııanyń breık jasaýyna múmkindik berip qoıdy. Aqyry match taǵdyry taı-breıkte sheshilip, onda qazaqstandyq tennısshi matchty eıspen túıindedi – 7:6 (7:2).

Eki saǵat 25 mınýtqa sozylǵan báseke barysynda E.Rybakına 6 eıspen birge 9 breık-poınttyń tórteýin paıdalandy. M.Sakkarı 4 eıs, 1 breıkpen kózge tústi (7 breık-poınt).

Bakalar tobynda synǵa túsip jatqan E.Rybakına alǵashqy básekesinde álemniń 5-raketkasy, amerıkalyq Djessıka Pegýlaǵa ese jibergen edi. D.Pegýla sodan keıin álemniń 1-raketkasy, Belarýs ókili Arına Sobolenkony 6:4, 6:3 esebimen tize búktirdi. Osylaısha, óz tobynda kósh bastaǵan amerıkalyq sportshynyń esebinde 2 jeńis bar.

E.Rybakına 3 qarasha kúni tańǵa qaraı A.Sobolenkomen sheberlik talastyrady. Eger ony jeńgen jaǵdaıda jartylaı fınalǵa joldama alady.

Eske sala keteıik, budan buryn tennısten álem chempıonatynda Qazaqstan jasóspirimder quramasynyń alǵashqy jeńisine qol jetkizgenin jazǵan edik.
Sondaı-aq Aleksandr Býblık Parıj masters týrnıriniń úshinshi aınalymyna shyqty.