WorldSkills: Aqmola oblysynda óńirlik mamandyqtar chempıonaty ótedi

KÓKShETAÝ. QazAqparat - Aqmola oblysynda «WorldSkills Aqmola – 2021» óńirlik chempıonaty nemese jaı ǵana «jumysshy qoldar olımpıadasy» ótedi. Oǵan oblystyń 30 kolledjinen 250-den astam stýdent qatysady, dep habarlaıdy QazAqparat tilshisi oblystyq bilim basqarmasynyń baspasóz qyzmetine silteme jasap.

Naýryzdyń 18-de bastalatyn chempıonatqa qatysýshylar «Bızneske arnalǵan ІT sheshimder», «Mehatronıka», «Elektrmontajdaý isi», «Shashtaraz isi», «Aspaz isi» jáne basqa da 57 mamandyq boıynsha baq synaıdy.

Bulardyń arasynda «Sıtı Fermer», «Smart agronomııa», «vırtýaldy jáne qosylǵan shyndyq» tárizdi jańa mamandyqtar bar.

Chempıonatqa alǵash ret Birjan sal atyndaǵy mýzykalyq kolledji «mýzykany oqytý» mamandyǵy boıynsha qatysyp otyr.

«Jyldan jylǵa qatysýshylardyń geografııasy keńeıip keledi. Bıyl «Veterınarııa» mamandyǵy boıynsha Qostanaı, Soltústik Qazaqstan oblystaryndaǵy kolledjderdiń stýdentteri de qatysýǵa nıet bildirdi. Budan bólek, osy jyly kásibı sheberlik chempıonatyna «Kókshetaý ýnıversıteti» KEAQ stýdentteri men «Bolashaq saraıy» balalar jáne jasóspirimder saraıynyń tárbıelenýshileri qatysady», - dedi Aqmola oblystyq bilim basqarmasynyń baspasóz qyzmetindegiler.

WorldSkills - halyqaralyq kommertsııalyq emes qozǵalys.

Onyń maqsaty - árbir jeke elde, sondaı-aq jalpy álemde kásibı sheberlik baıqaýyn uıymdastyrý jáne ótkizý arqyly búkil álemdegi úzdik tájirıbeler men kásibı standarttardy úılestirý arqyly jumysshy kásipteriniń bedelin arttyrý jáne kásibı bilim berýdi damytý.

Bilim basqarmasynyń kelisimi boıynsha 8 kolledj anyqtaldy, onda «WorldSkills Aqmola» óńirlik chempıonatynyń quzyretteri boıynsha alańdar ashylady.

Chempıonattyń jyljymaly kestesi 18 naýryzdan 15 sáýirge deıin koronavırýs ınfektsııasynyń aldyn alýǵa baılanysty anyqtalyp otyr.

Aıta keteıik, aqmolalyq kolledjder 2015 jyldan bastap osy qozǵalysqa belsendi qatysyp, júldeli oryndarǵa ıe bolyp, kásibı daıarlyqtyń jaqsy deńgeıin kórsetip keledi.

Aqmola oblysynyń komandasy respýblıka boıynsha úzdik úshtikke kiredi.