World Indoor Tour Gold: Astanada álemniń úzdik atletteri baq synaıdy

<p>Astanada 2024 jyldyń 27 qańtarynda jeńil atletıkadan Parıj Olımpıadasyna upaı úlestiriletin iri World Indoor Tour Gold týrnıri ótedi, dep habarlaıdy <a href="Kazinform." target="_blank" rel="noopener">Kazınform.</a></p>

QR Jeńil atetıka federatsııasy taratqan málimetke súıensek, Altyn deńgeıli týr álemniń 7 qalasynda ótedi. Al fınaldyq kezeńniń jeńimpazy 23 aqpan kúni Madrıdte anyqtalady. 

Astanadaǵy týrnırde úzdik dep tanylǵan sportshylar Parıj Olımpıadasyna upaı jınap, jeńimpaz atanǵan atlet 10 000 AQSh dollary kóleminde aqshalaı syıaqy jáne Glazgo qalasynda ótetin jabyq keshendegi álem chempıonatyna tikeleı joldama alady. 

Aıta ketelik, atalǵan halyqaralyq týrnırge syryqpen sekirýden álem jáne Olımpıada chempıony Armand Dýplantıs te qatysady. 

Ol osy jyldyń qyrkúıek aıynda «Gaýhar lıgasy» fınalynda ózi ornatqan álem rekordyn jańartty. Shvetsııalyq jeńil atlet 6,23 m bıiktikti baǵyndyrdy. 

24 jastaǵy Armand Dýplantıs Tokıo Olımpıadasynyń chempıony, eki dúrkin álem chempıony, «Gaýhar lıgasynyń» 3 dúrkin jeńimpazy. Sondaı-aq shved sportshysy álem rekordyn 12 ret jańartqan.