«Wizz Air» loýkosteri Túrkistan men Almatyǵa áýe reısterin ashýǵa nıetti
D. Varadı QR Premer-Mınıstriniń a.j. naýryz aıyndaǵy BAÁ-ge sapary aıasynda qol jetkizilgen «Abý-Dabı – Almaty» jáne «Abý-Dabı – Nur-Sultan» baǵyttary boıynsha «WizzAir»-dyń turaqty jolaýshylar áýe tasymalyn bastaý týraly ýaǵdalastyqtyń iske asyrylý barysy týraly baıandady. Sonymen qatar taraptar halyqaralyq bıznes jáne týrıstik qoǵamdastyq qyzyǵýshylyq tanytyp otyrǵan Túrkistan, Almaty jáne Qazaqstannyń basqa da qalalaryna «WizzAir» áýe reısterin ashý keleshegin, sondaı-aq aımaqtaǵy jáne álemdegi asa perspektıvaly saýda baǵyttary boıynsha áýe júk tasymalyn uıymdastyrýdy talqylady. Budan basqa, «WizzAir» áýe kompanııasy Qazaqstanda jańa býyndaǵy avıaotyn óndirisin – «turaqty avıatsııalyq otyndy» (sustainable aviation fuel) óndirýdi uıymdastyrýǵa qyzyǵýshylyq tanytty. Kezdesýge ındýstrııa jáne ınfraqurylymdyq damý mınıstri Beıbit Atamqulov jáne Strategııalyq josparlaý jáne reformalar agenttiginiń tóraǵasynyń orynbasary Jaslan Mádıev qatysty. «WizzAir» kompanııasy — Ortalyq jáne Shyǵys Eýropadaǵy eń iri bıýdjettik áýe tasymaldaýshysy. Áýe kompanııasynyń áýe kemeleri parki Airbus A320 jáne A321 ushaqtarynan turady. 2020 jyly kompanııanyń jolaýshylar aınalymy 40 mln adamdy qurady, kirisi – 2,8 mlrd eýro. Eýropanyń 47 eline jáne odan tys jerlerge 900 baǵyt boıynsha bıýdjettik áýe reısterin oryndaıdy.