Wildberries jáne Russ balalardy aldaýdyń jańa alaıaqtyq shemasyn anyqtady

<p>ASTANA. KAZINFORM &ndash; Wildberries jáne Russ biriktirilgen kompanııasy balalardy aldaý boıynsha alaıaqtyqtyń jańa shemasyn anyqtady, dep habarlady <a href="https://tass.ru/ekonomika/22893103" target="_blank" rel="noopener">TASS</a>.&nbsp;</p>

Bul shema kelesideı – alaıaqtar messendjderde oıyn blogerleriniń atynan jalǵan akkaýnttar qurady. Sodan keıin yqtımal qurban «súıikti blogerinen» paıdaly usynysy bar habarlama alady – mysaly, oıyn ishindegi zattardy tómendetilgen baǵamen satyp alý. Bala keliskende, odan ata-anasynyń kartasynyń málimetterin nemese marketpleıstegi jeke kabınettiń logın men qupııasózin engizý suralady.

Aqparatty alǵan alaıaqtar tanymal marketpleısterden ártúrli tsıfrlyq taýarlar, mysaly, oıyn platformalarynyń valıýtasyn, syılyq sertıfıkattaryn jáne t.b. satyp alady. Sodan keıin taýarlar aıtarlyqtaı jeńildikpen qaıta satylady. Aqshany qaıtarýdyń jalǵyz joly – polıtsııaǵa habarlasý.

- Wildberries-tiń ótken aıda anyqtalǵan jaǵdaılardyń úlgisine negizdelgen baǵalaýynsha, mundaı shemaǵa «ilingen» naryqtaǵy klıentter aldaǵy bir jylda shamamen 350 mln rýbl shyǵynǵa ushyraýy múmkin, - dep túsindirdi kompanııadan.

Wildberries and Russ birikken kompanııasy Trust&Safety bóliminiń basshysy Igor Somovtyń aıtýynsha, balalar – alaıaqtar áreketinen zardap shege alatyn áleýmettik top. Osyǵan baılanysty balalardyń tsıfrlyq ortadaǵy belsendiligin jiti qadaǵalap, olardyń kıber sanasyn erte jastan damytý mańyzdy.

Osylaısha, ata-ana balasyna arnaıy usynystar men syılyqtar týraly kez kelgen aqparatty oıynnyń nemese qyzmettiń resmı portaldarynda tekserip otyrý kerektigin únemi túsindirýi kerek.

Aıta keteıik, Reseı astanasynyń ortalyǵyndaǵy Wildberries keńsesiniń janynda atys bolyp, eki adam qaza tapty.