WhatsApp-qa shabýyl: Qaýipsizdikti qalaı saqtaýǵa bolady

NUR-SULTAN. QazAqparat - Jaqynda WhatsApp kıber shabýylǵa tap bolǵanyn habarlaǵan bolatyn. Osy rette VVS basylymy atalǵan áleýmettik jelidegi qaýipsizdikti qalaı saqtaýǵa bolatyny týraly materıal jarııalady.

«Osy aıdyń basynda hakerler WhatsApp aýdıobaılanysy arqyly keıbir akkaýnttarǵa shabýyl jasaǵan. Al dúısenbi kúni WhatsApp 1,5 mıllıard qoldanýshysyna qosymshany jańartýdy surady. Sol arqyly qurylǵy kıbershabýyldan qorǵalatyny da aıtyldy» deı kele, avtor WhatsApp habarlamalary shıfrlanǵanymen, chattardyń rezervti kóshirmesin jasaýdyń kemshilikteri bar ekenin, sondyqtan odan bas tartý kerektigin jazady.

«WhatsApp qosymshasynda «Baptaý> Akkaýnt> Qupııalyq» degen jerde qaýipsizdikke baılanysty barlyq aqparat saqtalǵan. Sol jerde sizdiń áleýmettik jelige qashan kirgenińizdi, profıl sýretin kóre alatyn adamdardy shekteı alasyz. Sonymen qatar habarlama oqylǵany týraly aqparatty da óshirip tastaýǵa bolady», dep jazady avtor. Onyń aıtýynsha, kıbershabýylǵa kóbine jýrnalıst, quqyq qorǵaý organdarynyń ókili, zańger men qoǵam belsendileri kóp tap bolady.