Web of Science jýrnaldaryndaǵy qazaqstandyq avtorlar sany 45% artty

NUR-SULTAN. QazAqparat – Web of Science jýrnaldaryndaǵy qazaqstandyq avtorlar sany 45 paıyzǵa artty. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Ǵylymnyń áleýmeti kommertsııalandyrýmen birge ǵalymdardyń bedeldi jýrnaldardaǵy maqalalar kórsetkishimen de tikeleı baılanysty. Sońǵy jyldardyń ózinde eń bedeldi bazalalardaǵy maqalalardyń sany men sapasy ósti. Scopus bazasyndaǵy eń bedeldi jýrnaldardyń TOP 1 paıyzyndaǵy maqalalar sany 41 paıyzǵa ulǵaıdy. Web of Science bazasynyń úsh negizgi ındeksindegi maqalalar sany 56 paıyz kóbeıip otyr. Web of Science ındeksteletin jýrnaldaryndaǵy qazaqstandyq avtorlardyń sanynyń ózi 45 paıyzǵa artty», - dedi mınıstr.

Onyń atap ótýinshe, «jyrtqysh» jýrnaldardaǵy maqalalardyń sany 8 ese azaıǵan.

«Osynyń bári otandyq ǵylymnyń úlken bolashaǵy men úlken áleýetin kórsetetini sózsiz», - dedi Ashat Aımaǵambetov.