WBO-nyń jańa reıtıngindegi qazaqstandyq boksshylardyń orny qandaı

ASTANA. QazAqparat – Dúnıejúzilik boks uıymy (WBO) barlyq salmaq dárejesi boıynsha boksshylardyń 2023 jylǵy alǵashqy reıtıngin jarııalady, dep habarlaıdy QazAqparat Sports.kz portalyna silteme jasap.

Reıtıngtiń ekinshi orta dıvızıonda Álı Ahmetov 12-qatarda qaldy. Birinshi orynǵa amerıkalyq Demetrıýs Andrada kóterilip, otandasy Kaleb Plantty ekinshi orynǵa yǵystyrdy. Úshinshi qatarda kanadalyq Erık Bazınıan tur.

Bul sanattaǵy absolıýt chempıon – meksıkalyq Saýl «Kanelo» Alvares. Úzdik úshtikti burynǵysha meksıkalyq Haıme Mýngııa, ulybrıtanııalyq kishi Krıs ıÝbenk jáne taǵy bir Qazaqstan ókili, WBO International chempıony Meıirim Nursultanov qurap tur.

Ekinshi jartylaı jeńil salmaqta Sultan Záýirbek 11-orynǵa jaıǵasty. Birinshi oryn brıtandyq Archı Sharpqa tıesili, odan keıingi qatarda meksıkalyq Oskar Valdes pen Aýstralııa ókili Lıam Ýılson bar. Bul salmaqtaǵy WBO álem chempıony tıtýly vakantty kúıinde tur.

Ashyq kózderden alynǵan foto