WBO eks-chempıony Golovkınmen jekpe-jek ótkizgisi keledi

ASTANA. QazAqparat - Orta salmaqta WBO nusqasy boıynsha burynǵy álem chempıony Endı Lı (35-3-1, 24 KO) Gennadıı Golovkınmen (37-0-1, 33 KO) judyryqtasqysy keledi. Bul jaıly Sports.kz habarlaıdy.

«Men ázirge sporttyq mansabymdy aıaqtaý oıymda joq. Áli de judyryqtasqym keledi, biraq jekpe-jekke durys qarsylas tabý kerek. Ózim dáleldeıtin eshteńe qalǵan joq, sondyqtan chempıonǵa qarsy aıqasqa shyqqym keledi. Men áli de orta salmaqtaǵy álem úzdikteriniń birimin. Qandaı jekpe-jek uıymdastyra alatynymyzdy aldaǵy ýaqytta kóremiz. Menińshe, Djeıkobsqa qarsy jekpe-jekti uıymdastyrý ońaı. Orta salmaqtaǵy úzdikterdi sanap kórsetý úshin bir qoldyń saýsaqtary da jetedi: Bıllı Djo Sonders pen Davıd Leme, Gennadıı Golovkın men Saýl Alvares, sosyn Dennı Djeıkobs. Meniń esimim - osy tizimde altynshy. Osylardyń birimen judyryqtasqym keledi», - dedi Lı iFL TV-ge bergen suhbatynda.

Aıta keteıik, Endı Lı buǵan deıin Golovkın tarapynan usynys bolsa, oılanbastan kelisetinin aıtqan bolatyn. Irlandııalyq boksshy sońǵy jekpe-jegin naýryz aıynda Nıý-Iorkte ótkizip, tóreshilerdiń sheshimimen amerıkalyq Keandre Lızervýdty (20-5-1, 13 KO) jeńgen edi.