WBC Golovkınniń Charlomen jáne Alvarespen aıqastaryna qatysty málimdeme jasady

ASTANA. QazAqparat - Dúnıejúzilik boks keńesiniń (WBC) basshysy Maýrısıo Sýleıman Gennadıı Golovkın men Djermallom Charlo arasyndaǵy «sanktsııalanǵan» irikteý jekpe-jegine qatysty pikir bildirdi. Aıta keteıik, jeńimpaz boksshy Saýl Alvarespen aıqasady dep kútilýde, dep habarlaıdy Sports.kz.

«WBC ýaqytsha chempıon bolyp tabylatyn Charlonyń Golovkınmen jekpe-jegin sanktsııalady. Sebebi GGG óz tıtýlynan aıtarlyqtaı daý týdyrarlyq aıqasta aıyrylyp qaldy jáne ol oıynda qalýǵa laıyqty. Biraq, Golovkın Charlomen judyryqtasýdyń ornyna «Kanelomen» tikeleı revansh surady. «Kanelo» bolsa erkin jekpe-jek surap otyr. Barlyǵy sapyrylysyp ketti. Sondyqtan Golovkın-Charlo aıqasyn ótkizýdi mindettedik. Onyń iske asatynyna úmittenemiz. Olardyń qaı jeńgeni «Kanelo» úshin jaqsy nusqa bolady. Barlyǵy solaı bolsa qýanar edim. Kóremiz», - dedi Maýrısıo Sýleıman.