WBC chempıony Sultan Záýirbek álemdik reıtıngide kóterildi

NUR-SULTAN. QazAqparat – Qazaqstandyq boksshy Sultan Záýirbek (10-0, 7 KO) kezekti jeńisinen keıin Boxrec.com portalynyń reıtıngisinde óz pozıtsııasyn jaqsartty, dep habarlaıdy QazAqparat Sports.kz saıtyna silteme jasap.

WBC-tiń ekinshi jartylaı salmaqtaǵy jastar arasyndaǵy chempıony S.Záýirbek ýkraınalyq Vladıslav Melnıkpen (12-3, 7 KO) bolǵan jekpe-jekte tóreshilerdiń biraýyzdy sheshimimen jeńimpaz bolyp tanyldy.

24 jastaǵy qazaqstandyq boksshy BoxRec reıtıngisinde óz dıvızıonynda 114-shi orynnan 95-ke kóterildi.

Eske sala ketsek, Sultan Záýirbektiń 2020 jyly bir ǵana jekpe-jegi ótti. Byltyr ol alty ret rıngke shyqqan bolatyn. WBC-diń jastar arasyndaǵy beldigin qytaılyq boksshy Leshan Lıdi (16-5-2, 9 KO) jeńgennen keıin ıelendi.