WBC chempıony Golovkındi jekpe-jekke shaqyrdy

NUR-SULTAN. QazAqparat - WBC nusqasy boıynsha orta salmaqtaǵy álem chempıony Djermall Charlo Gennadıı Golovkınniń Sergeı Derevıanchenkony jeńýine baılanysty pikir aıtyp, GGG-men jekpe-jekke shyǵýǵa nıet bildirdi, dep habarlaıdy QazAqparat Sports.kz-ke silteme jasap.

Aıta ketken jón, 7 jeltoqsanda Nıý-Iorktegi Barclays Center arenasynda Charlo ırlandııalyq Dennıs Hoganmen judyryqtasatyn bolady.

«Men GGG-diń sońǵy jekpe-jegi jaıly ne aıta alamyn? Jaqsy aıqas boldy. Golovkın – ańyz, ol keremet boksshy. Men qýana-qýana onymen rıngke shyǵar edim. Sondaı-aq ol únemi shabýyl jasaıtyn boksshy. Stılder jekpe-jekke arqaý bolady jáne onyń stıli menikimen uqsas. Bul naǵyz aıqas bolmaq. Biz onymen 12 raýndtyń barlyǵyn ótkizer edik dep oılaımyn, árıne ol shydaı almasa, qulaıdy. Men úzdiktermen ǵana judyryqtasqym keledi. Meıli, «Kanelo», Kovalev, Golovkın nemese Djeıkobs bolsyn», - dedi Djermall amerıkalyq jýrnalıstermen áńgime barysynda.