WBC basshysy Golovkın men Alvarestiń jas aıyrmashylyǵy týraly aıtty

ASTANA. QazAqparat - Búkilálemdik boks keńesiniń (WBC) prezıdenti Maýrısıo Sýleıman 15 qyrkúıek kúni Las-Vegastaǵy T-Mobile Arena-da Gennadıı Golovkın men Saýl Alvares arasynda ymyrasyz jekpe-jek bolatynyn aıtty, dep jazady Sports.kz.    

«Rematch alǵashqy jekpe-jekke qaraǵanda zor áleýetke ıe. Boksshylar bir-birine ábden jaýyqqan, olardyń ekeýi de rıngte úzdik ekenin dáleldegisi keledi. Ekeýi de kezdesýge jaqsy daıyndyqpen keledi dep úmittenemin», - deıdi M.Sýleıman Boxingscene.com-ǵa bergen suhbatynda.

WBC basshysy boksshylardyń jas aıyrmashylyǵyna da toqtaldy. Alvares 18 shildede 28-ge kelse, Golovkın sáýir aıynda 36 jasqa tolǵan edi.

«Boksshylar qashan qaıraty qaıta bastaıtynyn bilmeıdi. Biraq Gennadıı jekpe-jekteriniń barlyǵyna ábden daıyndalyp, únemi naǵyz babynda keledi», - deıdi M. Sýleıman.