WBC basshylary Golovkın - Alvares revanshyna daýys berdi

ASTANA. QazAqparat - Bakýde Búkilálemdik boks keńesiniń (WBC) 55-shi Konventsııasy ótip jatyr, dep habarlaıdy Sports.kz.

Buǵan deıin WBC basshysy Maýrısıo Sýleıman Gennadıı Golovkın (37-0-1, 33 KO) men Saýl Alvaresti (49-1-2, 34 KO) jyldam revansh ótkizýge shaqyrǵan bolatyn, al endi uıymnyń búkil basshylyǵy bul jaıly resmı málimdedi.

«Orta salmaqta WBC basshylyǵy chempıon Gennadıı Golovkın men «Kanelo» Alvares arasynda tikeleı revansh ótkizýge daýys berdi. Reıtıngtiń birinshi nómiri Djermall Charlo ashyq úmitkermen judyryqtasady», - dep jazady Tvıtterde NYFights.com jýrnalısi Maıkl Výds.

Aıta keteıik, Golovkın - Alvares revanshy 2018 jyldyń 5 mamyrynda ótedi dep boljanýda.