WBA reıtınginiń jańartylǵan nusqasyndaǵy qazaqstandyq boksshylardyń orny belgili boldy

NUR-SULTAN. QazAqparat - Dúnıejúzilik boks qaýymdastyǵy (WBA) barlyq salmaq dárejeleri ókilderi reıtıngteriniń jańartylǵan nusqasyn usyndy. Bul týraly QazAqparat Sport.kz saıtyna silteme jasaı otyryp habarlaıdy.

Sizderdiń nazarlaryńyzǵa Qazaqstan boksshylarynyń pozıtsııalaryn usynamyz:

Birinshi aýyr salmaq dárejesinde Beıbit Shúmenov «kádimgi» WBA álem chempıony ataǵyn saqtap qaldy. «Sýper chempıon» ataǵy frantsýz Arsen Gýlamırıanǵa tıesili, al reıtıngtiń alǵashqy ornynda belgııalyq Rııad Merhı ornalasqan.

Ekinshi orta salmaq dárejesinde WBA International chempıony Aıdos Erbosynuly ekinshi orynda qaldy. Birinshi orynda kýbalyq Davıd Morrell bolsa, úshinshi orynda amerıkalyq boksshy Devıd Benavıdes. WBA Super chempıony belbeýi meksıkalyq Saýl «Kanelo» Alvareske tıesili.

Jánibek Álimhanuly pozıtsııasyn ózgertken joq jáne ortasha salmaq dárejeleri kestesinde 15-orynǵa jaıǵasty. Úsh kóshbasshy qataryna brıtandyq kishi Krıs ıÝbenk, reseılik Magomed Madıev jáne AQSh ókili Karlos Monro kirdi. Qazirgi ýaqytta osy sanattaǵy jalǵyz álem chempıony – WBA Regular tıtýlynyń ıegeri japonııalyq Rıota Mýrata.

Jartylaı orta salmaq dárejesinde WBA Continental Americas chempıony Batyr Júkembaev reıtıngte áli 13-orynda tur. WBA Super tıtýlyn brıtandyq Djosh Teılor ıelenedi, Úzdik úshtik qatarynda: domınıkalyq Alberto Pýello, ulybrıtanııalyq Lıýıs Rıtson jáne kýbalyq Renses Bartelemı.