WBA-nyń jańartylǵan reıtıngindegi qazaqstandyq boksshylardyń orny qandaı
Asa aýyr salmaqtaǵy Jan Kosobýtskıı 12-shi, Ivan Dıchko 15-shi orynda qaldy. Osy salmaqtaǵy WBA álem chempıony ýkraınalyq Aleksandr Ýsık, al úzdik úshtikke amerıkalyq Deonteı Ýaılder, Kongo DR ókili Martın Bakole men brıtandyq boksshy Entonı Djoshýa kiredi.
Birinshi aýyr salmaqtaǵy Serik Musadilov áli 15-shi orynda. Bul salmaqtaǵy chempıondyq belbeý frantsııalyq Arsen Gýlamırıanǵa tıesili. Reıtıngte kýbalyq ıÝnıel Dortıkos kósh bastap tur, odan keıin reseılik Alekseı Egorov jáne taǵy bir kýbalyq boksshy Maık Peres jaıǵasqan.
Ekinshi orta sanatta Bek Nurmaǵanbet áli de segizinshi orynda. Bul salmaqtaǵy absolıýtti chempıon — meksıkalyq Saýl «Kanelo» Alvares, al birinshi úshtikte amerıkalyq Demetrıýs Andrade, kanadalyq Erık Bazınıan jáne frantsýz boksshysy Krıstıan Mbıllı bar.
Sultan Záýirbek osy reıtıngte ekinshi jartylaı jeńil salmaqtaǵy ornyn ózgertip, 10-shy orynǵa jaıǵasty. Bul salmaqtaǵy WBA álem chempıony- domınıkalyq Ektor Lýıs Garsııa. Birinshi orynda - amerıkalyq kishi Lamont Roých, odan keıin Grýzııa ókili Otar Eranosıan jáne ırlandııalyq boksshy Djono Kerroll.
Evgenıı Pavlov ekinshi jeńil sanat reıtınginde altynshy oryndy saqtap qaldy. Birinshi orynda - Tomokı Kameda (Japonııa), ekinshi orynda — Mýrodjon Ahmadalıev (Ózbekstan), úshinshi orynda — Kevın Gonsales (Meksıka). Osy sanattaǵy WBA Super tıtýlv fılıppındik Marlon Tapaleske tıesili.