Vıacheslav Lokshın: Bir jylda áıeldiń boıyna bala bitpese, dárigerge júginý kerek

NUR-SULTAN. QazAqparat – Qazaqstan reprodýktıvti medıtsına qaýymdastyǵynyń prezıdenti, QR bas reprodýktology Vıacheslav Lokshın ortalyq kommýnıkatsııalar qyzmetinde bala súıgisi keletin juptarǵa keńes berdi, dep habarlaıdy QazAqparat tilshisi.

«Bala súıýge áreket etkenine 1 jyl jáne odan da uzaq ýaqyt bolǵan juptardyń bári dárigerge júginýi kerek. ıAǵnı, akýsher-gınekolog pen ýrologqa barady. Sol jerde birneshe taldaý synamasyn tapsyryp, qorytyndysyn kútedi. Óıtkeni bedeýlik dıagnozy 12 aıdan keıin qoıylady. Al juptardyń jasy úlken bolsa, jarty jyldan keıin júginý kerek. Osydan keıin bedeýliktiń sebebi anyqtalady», - dedi Vıacheslav Lokshın.

Elimizdiń bas reprodýktology «bedeýlik» shaǵymymen júgingenderdiń jartysyna dári-dármek, hırýrgııalyq emdeý arqyly kómektesýge bolatynyn aıtady.

«Qalǵanyna «eko» jasalady. Mysaly, áıeldiń jatyr tútikshesi joq bolýy múmkin. Nemese erkektiń spermatozoıdy azaıǵany sonsha, jatyrǵa bala bitpeýi múmkin. Mundaı jaǵdaıda olar reprodýktolog mamanǵa baryp, kvota boıynsha ekouryqtandyrý usynylǵan qujatty kórsetedi. Osydan keıin kezekke turady. Qazir jylyna 7000 kvota beriledi. Sondyqtan kezek boıynsha másele bolmaýy kerek», - dedi maman.