Volonterlik qoǵam únin nyǵaıta túsedi - Krıstofer Edvards
«Óńirdegi azamattyq qoǵammen júmys zor tájirıbe. Konferentsııadan aldaǵy ýaqytta kádege jarata alatyn aqylǵa qonymdy dúnıeler ala alasyzdar dep senemin. Daǵdarys, indet kezinde azamattyq qoǵamnyń róli men jumysy barynsha mańyzdy bola tústi. Azamattyq qoǵam araǵaıyn retinde áreket etip, jurtshylyqtyń qajettiligi men muqtajyn el basshylyǵyna jetkizedi. Búgingi konferentsııa mańyzdy shara sanalady jáne óńiraralyq ynytmaqtastyqty pash etip, mańyzyn kórsete túsedi», - dedi ol «Damý tarıhy: ishteı kózqaras» atty 11-shi jyl saıynǵy halyqaralyq konferentsııanyń ashylý rásiminde.
Osy rette ol sharanyń uıymdastyrylýyna qoldaý bildirgen QR Syrtqy ister, Aqparat jáne qoǵamdyq damý mınıstrlikterine rızashylyǵyn bildirip ótti.
«Bárimiz úshin de úlken qyzyǵýshylyq týdyratyn taqyrypty talqylaýǵa jınalyp otyrǵanymyzdy bilesizder. Qoǵamdyq yqpal, jurtshylyqtyq kóshbasshylyqqa jumyldyrylýy men volonterlik ulttyq jáne jergilikti deńgeıde saıasat qalyptastyrýǵa jáne oǵan yqpal etýge qoǵam únin nyǵaıta túsedi.Sońǵy 10 jyldyń ishinde bul konferentsııa azamattyq qoǵamnyń on myńdaǵan kóshbasshylary men ókilderi bas qosatyn orynǵa aınaldy. Buǵan deıingi jyldary konferentsııa túrli ınnovatsııalyq jáne paıdaly ıdeıalar men bastamalar jaıynda ótti. Olardyń kópshiligi áli de júzege asyrylyp jatyr. Máselen – «Qoljetimdi baspanaǵa quqyq». Bul jeli áli de jumys istep jatyr ári baspanaǵa muqtaj otbasylardyń quqyqtaryn jaqsartý ıdeıasyn qoldaıdy. Bul konferentsııa bizdiń óńirlik yqtymaqtastyǵymyzdy qoldaýǵa jáne búkil Ortalyq Azııadaǵy azamattyq qoǵamdy damytýǵa septigin tıgizedi dep oılaımyn», - dedi Krıstofer Edvards.