Volonterler úshin adamdarǵa kómek kórsetý – ómir súrý normasy - mınıstr

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva qaıyrymdylyqty qoldaý turǵysyndaǵy basymdyqtar týraly aıtty, dep habarlaıdy QazAqparat tilshisi.

«Árıne, qaıyrymdylyq pen metsenattyqty qoldaý, sondaı-aq volonterlik qyzmetti damytý – memlekettiń uzaq merzimdi basymdyǵy», - dedi mınıstr «Qaıyrymdy ister marafonynyń» bastalýyna arnalǵan is-sharada.

Osy oraıda ol ótken jyl volonterlik belgisimen ótkenin, bul baǵyttaǵy qaıyrymdylyq ister qozǵalysy aınalasynda qazaqstandyqtardyń eleýli bóligi birikkenin eske saldy.

«Bul rette kóptegen qaıyrymdylyq ári volonterlik jobalar dálel bolyp otyr. Bul jobalar elimizdiń qarapaıym azamattarynyń bastamasy boıynsha qamtyldy. Búginde osy 100 myńǵa jýyq adam úshin halyqqa kómek kórsetý joǵary gýmanıstik akti ǵana emes, sonymen qatar ómir súrý normasy jáne adamgershilik umtylysy boldy», - dedi mınıstr.

Budan buryn habarlanǵandaı, búgin elordada donorlar men metsenattardyń qatysýymen «Qaıyrymdy ister marafony» bastaldy.

Aıta keteıik, «Qaıyrymdy ister marafony» bastamasyn Memleket basshysy Qasym-Jomart Toqaev kótergen bolatyn.