Volonterler qaıyrymdylyqty ne sebepti jarııa túrde isteıdi

NUR-SULTAN. QazAqparat – Bir adam qaıyrymdy is jasap, onyń vıdeosyn kórgen 10 adam sony qaıtalasa, volonter úshin nátıje – sol. Bul týraly Ortalyq kommýnıkatsııalar qyzmetinde ótken onlaın-brıfıngte aıtyldy, dep habarlaıdy QazAqparat tilshisi.

«Bizde «Birgemiz» dep atalatyn jalpyulttyq kontseptsııa bar. Osy baǵyttardyń biri - «Taza Qazaqstan» jobasy. Ol ekologııaǵa qatysty máselelermen aınalysady. Byltyr Almatyda senbilik uıymdastyryp qana qoımaı, motıvatsııalyq oıyndar arqyly volonterlerdi tarttyq. Mysaly, senbilik ótkizgen jerde ıogamen aınalystyq», - deıdi Qazaqstan volonterleri lıgasynyń tóraıymy Aısulý Ernııazova.

Qazaqstan volonterler lıgasy úılestirý keńesiniń múshesi Ázız Kajdenbek volonterler qaıyrymdylyq isin ne sebepti jarııa túrde isteıtinin aıtty.

«Bizden kóbi qaıyrymdylyqty ne sebepti jarııa túrle isteıtinimiz týraly suraıdy. Bir adam qaıyrymdy is jasap, onyń vıdeosyn kórgen 10 adam qaıtalasa, biz úshin nátıje – sol. Ekovolonterlikti de óz tájirıbemizde kórsetip, izbasarlarymyzǵa jetkizýge tıispiz», - deıdi Ázız Kajdenbek.