Volonterler karantın kezinde qaýipsizdik talaptaryn saqtaı otyryp jumys isteıdi
«Tótenshe jaǵdaı kezinde barlyq is-shara qajetti qaýipsizdik talaptaryn eskere otyryp júrgizildi. Qazir birjaqty aıtý qıyn. Bizdiń komandada jumys istegen eriktilerdiń eshqaısysy aýyrmady. Biraq, bizdiń dostarymyzdyń, seriktes uıymdardyń arasynda koronavırýs ınfektsııasyn juqtyrǵan volonterlerdiń bar ekenin bilemin. Biraq olar erikti qyzmetin kórsetý kezinde ınfektsııa juqtyrdy ma, joq pa - aıtý qıyn. Áıtse de, volonterlerdiń shynymen de vırýs juqtyrǵany rastalǵan», - dedi Vera Kım OKQ onlaın baspasóz máslıhatynda.
«Ulttyq volonterler jelisi» ZTB tóraǵasy birlestiktiń 2010 jyly qurylǵanyn aıtady. Jeli 80-ge tarta volonterlik uıymnyń basyn biriktiredi.
«Tótenshe jaǵdaı jarııalanǵan kezde biz Qazaqstandaǵy barlyq volonterlerdiń bastamalaryn biriktirip, senim telefonyn ashtyq. Turǵyndardyń muqtajdyǵy men talaptaryn bilý úshin senim telefony jumysyn bastady. Osy ýaqyt ishinde bizdiń volonterler turǵyndardan túsken qońyraýlar boıynsha jumys júrgizdi. Bizdiń senim telefonymyzǵa kóp adam eriktiler qataryna qosylý týraly ótinishpen habarlasyp jatty», - dep tolyqtyrdy V. Kım.