Volonterler 700 myń adamǵa memlekettik qyzmetti qashyqtan alýdy úıretken

NUR-SULTAN. QazAqparat – Memlekettik qyzmet isteri agenttigi «elektrondyq úkimet» portalyn qoldanýshylardyń sanyn eriktilerdiń kómegimen kóbeıtpekshi, dep habarlaıdy QazAqparat.

Pandemııa kezeńinde eriktiler halyqtyń «elektrondyq úkimet» portalyn paıdalanýyna belsendi kómektesken. Memlekettik qyzmet isteri agenttigi tóraǵasynyń orynbasary Darhan Jazyqbaev osyndaı málimet aıtty.

«2020 jyly Agenttik «elektrondyq úkimet» portaly arqyly qyzmet alý halyqty úıretý úshin eriktiler jumysyn uıymdastyrdy. Barlyq óńirler boıynsha 400-den astam erikti jumyldyrylyp, 700 myńdaı azamat tsıfrlyq memlekettik qyzmetterdi alý ádisterin úırendi. Bıyl da eriktiler halyqty memlekettik qyzmetterdi «elektrondyq úkimet» portaly arqyly jáne onyń mobıldi qosymshasy arqyly alýǵa úıretip jatyr», - dedi Darhan Jazyqbaev Ortalyq kommýnıkatsııalar qyzmetinde ótken baspasóz konferentsııasynda.