Volonterler 3,5 myń tonnaǵa jýyq gýmanıtarlyq kómek jınady

<p>ASTANA. KAZINFORM &ndash; Sý tasqynynan zardap shekkender úshin elimizdiń 16 aımaǵynda gýmanıtarlyq kómek jınaý jumystary júrip jatyr. Bul týraly &laquo;Ulttyq volonterlik jeli&raquo; memlekettik organdarmen ózara is-qımyl departament basshysy Aıbek Dosymbetov aıtyp berdi.</p>

Elimizdiń 20 oblysynda óńirlik volonterler front-ofısteri bazasynda koll-ortalyqtar quryldy. Biryńǵaı baılanys ortalyǵy da ([phone]) zardap shekkenderge kómek kórsetýdi jáne jalpy úılestirýge arnalǵan. Onda kún saıyn negizinen Almaty, Astana, Aqtóbe, Oral, Qostanaı jáne Atyraý qalalarynan 100-ge jýyq qońyraý kelip túsedi.

«TJ kezinde arnaıy gýmanıtarlyq kómek jınaý baǵyty boıynsha algorıtm anyqtalǵan bolatyn. Ol boıynsha elimizdiń 16 aımaǵynda gýmanıtarlyq kómek jınaý jumystary júrýde. Búgingi tańda el boıynsha 3,5 myń tonnaǵa jýyq gýmanıtarlyq kómek jınalyp, onyń 2,5 myń tonnadan astamy zardap shekken eldi mekenderge jiberildi», - dedi spıker Respýblıkalyq aqparattyq shtabta ótken brıfıngide.

Onyń aıtýynsha, volonterler TJ qyzmetkerlerine kómektesedi, tamaqtanýdy uıymdastyryp, evakýatsııalanǵan turǵyndardyń jatatyn oryndarynyń jabdyqtalýy, olarǵa qajetti jyly kıimder, gıgıenalyq zattar sekildi máselelermen aınalysady.

«Qazir sý tasqynynan zardap shekken aımaqtarǵa 35 myńǵa jýyq volonter tartyldy. Aqtóbe oblysynda 8600, Atyraý oblysynda 9 myńnan astam, Batys Qazaqstan oblysynda 5 myńǵa jýyq, Qostanaı oblysynda úsh myńnan astam jáne Soltústik Qazaqstan oblysynda 1600 astam erikti volonterlik qyzmet atqarýda», - dedi A.Dosymbetov.