Volonter jyly: QHA eriktileri 4 baǵytta jumys júrgizedi
Ashyq esik kúninde QHA eriktiler qozǵalysynyń tujyrymdamasy tanystyryldy.
«Ashyq esik kúninde» túrli jastaǵy eriktiler qatysyp, óz tájirıbesimen bólise alady. Eriktiler jyly barlyq oblystarda, Almaty, Shymkent jáne Nur-Sultan qalalarynda QHA eriktiler qozǵalysynyń ortalyqtary ashylýda. Onyń maqsaty – etnomádenı birlestikterdiń, azamattyq qoǵam ınstıtýttarynyń volonterlyq qozǵalysqa qatysýy. Ortalyq áleýmettik bastamalar men jobalardyń biryńǵaı alańyna aınalady. Eriktiler arasynan úılestirýshiler arnaıy bekitildi», - dedi Nur-Sultan qalasy QHA hatshylyǵynyń meńgerýshisi Lázzat Qusaıynova.
Elordalyq QHA eriktileri 4 baǵytta – áleýmettik, bilim berý, sporttyq jáne medıatsııadaǵy eriktilik boıynsha jumys isteıdi.
«Áleýmettik baǵytqa «Nam tolko za 60» klýbynyń tóraǵasy, jýrnalıst, ardagerler qozǵalysynyń belsendisi Tatıana Levchenko jetekshilik etedi. Olar áleýmettik mańyzdy jobalardy uıymdastyryp, halyqtyń áleýmettik osal toptaryna kómek kórsetedi. Bilim berý baǵyty – Nur-Sultan qalasy men Aqmola oblysynyń «Vozrojdenıe» nemis qoǵamy QB tóraǵasynyń orynbasary Evgenııa Gızıkke júkteldi. Olar oqýshylar arasyndaǵy kásiptik baǵdar, tálimgerlik jáne tárbıe ınstıtýty, bilim berý mekemeleri janyndaǵy QHA jastar klýbtaryn damytady», - dedi L. Qusaıynova.
Sporttyq baǵyttaǵy eriktilik Qazaqstan Gınness rekordtar kitabynyń rekordshysy, belgili sportshy-palýan Sergeı Tsyrýlnıkovtyń jetekshiligine berildi. Joba sportshylar men jattyqtyrýshylardy bir qaýymdastyqqa biriktiredi. Olar birqatar sport túrleri boıynsha balalar úılerine, oqý oryndaryna baryp, sheberlik sabaqtaryn ótkizedi.
Medıatsııadaǵy eriktilik baǵytyn medıtsına ǵylymdarynyń doktory, Qaraǵandy medıtsına ýnıversıtetiniń professory Sáýle Qabıeva basqarady. Medıator-eriktiler medıtsınada, bilim berýde, TKSh-da otbasylyq, eńbek daýlaryn rettep, aldyn alý úshin qyzmet etedi. Medıator-eriktiler daýly jaǵdaılardy taldap, janjaldardy sheshýge kómektesedi, ymyralasý rásimderin júrgizedi.
«Sonymen birge, elordalyq QHA Analar keńesiniń eńbegin erekshe atap ótkim keledi. Bul birlestik áıelderdiń quqyqtyq saýatyn arttyrýmen, ata-ana qamqorlyǵynsyz qalǵan balalar máselesin sheshýmen aınalysady. Salaýatty ómir salty boıynsha qaıyrymdylyq klýbtary, onyń ishinde fıtnes, ıoga, at sporty jáne «Analar amanaty» qolóner shyǵarmashylyq ortalyǵy jumys isteıdi. Analar keńesi QHA-nyń «Qaıyrymdylyq kerýenine», «Mektepke jol», «BI-Juldyzaı» qaıyrymdylyq aktsııalaryna qatysady. ıAǵnı, eriktiler jyly jarııalanbaı-aq, eleýli sharýalardy atqardy», - dedi L. Qusaıynova.
Sondaı-aq, eriktiler jyly aıasynda erteń Dostyq úıinde «Donor kúni» qaıyrymdylyq aktsııasy ótedi. Saǵat 10:00-den 13:00-ge deıin astanalyqtar óz erkimen qan tapsyryp, adam ómirin saqtap qalýǵa jáne volonterlik qyzmetke atsalysa alady.