Volkswagen kompanııasynyń kirisi 64% tómendedi

<p>ASTANA. KAZINFORM &ndash; Eýropa men Germanııadaǵy eń iri avtokólik óndirýshi Volkswagen kompanııasynyń kirisi 64%-ǵa tómendedi, dep habarlaıdy <a href="https://www.ft.com/content/b5d916ad-2fda-46cb-838a-070c092861af" target="_blank" rel="noopener">Financial Times basylymy.</a>&nbsp;</p>

Kompanııa Qytaıdaǵy satý kóleminiń tómendeýi jáne qaıta qurylymdaý shyǵyndaryna baılanysty toqsan saıynǵy taza paıdanyń 64% tómendeýin tirkegennen keıin iri zaýyttardy jabý jáne jumys oryndaryn qysqartýǵa «shuǵyl qajettilikti» atap ótti.

Volkswagen óziniń óndiristik keńesine kompanııanyń 87 jyldyq tarıhyndaǵy eń kúrdeli qaıta qurylymdaý sharasy retinde úsh zaýytty jaýyp, on myńdaǵan jumysshyny qysqartýdy josparlap otyrǵanyn habarlady.

«Qarsy soqqan jel kúsheıdi. Biz básekege qabiletti bolyp qalý úshin kúsh-jigerimizdi arttyrýymyz kerek», - dedi kompanııanyń bas qarjy dırektory Arno Antlıtts.

Qyrkúıektiń sońyna deıingi úsh aıdyń ishinde taza paıda bir jyl burynǵy 4,34 mlrd eýrodan 1,57 mld eýroǵa deıin tómendedi, al kiris 0,5 paıyzǵa azaıyp, 78,5 mlrd eýroǵa jetti. Kompanııanyń operatsııalyq paıdasy toqsandaǵy 6,2%-dan 3,6%-ǵa deıin tómendedi.

Eske salsaq, Kazinform-nyń menshikti tilshisi Volkswagen daǵdarysy týraly taldaý materıal jasaǵan bolatyn.