ASTANA. KAZINFORM – AQSh-tyń Fort-Ýeın qalasynda voleıboldy otyryp oınaýdan ótip jatqan álem kýbogynda Qazaqstan quramasy jeńilissiz keledi.
Baýyrjan Tahaýov jattyqtyratyn qazaqstandyq paravoleıbolshylar kezekti oıynda jarys favorıti – AQSh quramasymen alańǵa shyqty.
Asa tartysty ótken matchta bastapqy eki partııada qazaqstandyqtar 27:25, 25:21 esebimen basymdyq tanytty. Alaıda budan keıin alań ıeleri esepti teńestirdi – 25:22, 25:17. Sheshýshi, besinshi sette Qazaqstan quramasy jeńisti julyp aldy – 15:12. Qorytyndy esep – 3:2.
Osylaısha, qazaqstandyqtar toptyq kezeńde qatarynan besinshi matchta qarsylastaryn qapy qaldyrdy.
B.Tahaýovtyń shákirtteri endi Taıland quramasymen sheberlik talastyrady.
Eske sala keteıik, budan buryn qazaqstandyq paravoleıbolshylardyń álem kýbogynda kezekti jeńisine qol jetkizgenin jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).