Voleıboldan «Jetisý» klýby sýperkýbokty jeńip aldy

<p>ÓSKEMEN. KAZINFORM &ndash; Óskemen qalasynda voleıboldan áıelderdiń ulttyq lıga komandalary arasynda XXXIII Qazaqstan chempıonatynyń birinshi týrynyń oıyndary ótip jatyr.</p>

El birinshiliginde «Turan» (Túrkistan), «Qýanysh» (SQO), «Jetisý» (Taldyqorǵan), «Berel» (ShQO), «Almaty», «Arý-Astana», «Qaraǵandy», «Aqtóbe», «Gratsııa KZ» (Oral), «Ertis» (Pavlodar), barlyǵy 10 komanda baq synaýda.

Birinshi týr aıasynda bıylǵy Qazaqstan kýbogynyń ıegeri «Jetisý» (Taldyqorǵan) men el chempıony «Turan» (Túrkistan) komandalary arasynda sýperkýbok oınatyldy.

Serbııalyq maman Marko Grshıch jattyqtyratyn taldyqorǵandyqtar birinshi partııada aıqyn basymdylyq kórsetti – 25:14. Ekinshi sette Asqar Shalqybekovtiń shákirtteri qarsylasyp baqqanmen, «Jetisý» ózinikin aldy – 26:24. Sodan keıin óz degenderine jetti – 25:17. Jalpy esep, 3:0, Jetisý» Qazaqstan sýperkýbogyn tórtinshi ret jeńip aldy.

Alǵashqy kúni taǵy bir mańyzdy oıyn «Berel» men «Qýanysh» arasynda ótip, onda alań ıeleri 3:1 (17:25, 25:22, 25:21, 25:16) esebimen jeńiske jetti.

Óskemendegi birinshi týr oıyndary 14 qarashada aıaqtalady.

Eske sala keteıik, budan buryn voleıboldan «Aqtóbeniń» alǵash ret Qazaqstan kýbogyn jeńip alǵanyn jazǵan bolatynbyz.