ASTANA. KAZINFORM – Maldıv araldarynyń astanasy Male qalasynda 2-11 aqpan aralyǵynda voleıboldan áıelder komandalary arasynda Ortalyq Azııa chempıondar lıgasynyń oıyndary ótedi.
Qazaqstan voleıbol federatsııasynan málim etkenindeı, atalmysh týrnırde bıyl el kýbogyn jeńip alǵan «Turan» (Túrkistan) komandasy óner kórsetedi.
Sonymen qatar Qazaqstan tarapynan FIVB halyqaralyq arbıtri ıÝlııa Akýlova jarysqa tórelik etýge shaqyryldy.
Eger Asqar Shalqybekovtiń shákirtteri osy dodada jeńimpaz atanǵan jaǵdaıda Qazaqstan aldaǵy kóktemde ótetin Azııa chempıondar lıgasyna qatysa alady.
Ótken jyly Azııa chempıondar lıgasynda «Jetisý» (Taldyqorǵan) komandasy úzdik shyqqan edi. Sodan keıin serbııalyq maman Marko Grshıch jattyqtyratyn taldyqorǵandyqtar Brazılııanyń San-Paýlý qalasynda ótken klýbtyq álem chempıonatynda baq synady.
2025 jyly Malede erler komandalary arasynda ótken Ortalyq Azııa chempıondar lıgasynda Oraldyń «Jaıyǵy» (bas bapkeri Vıktor Kozık) chempıon atanǵan bolatyn.
Eske sala keteıik, budan buryn Oraldyń «Jaıyq» klýby Ortalyq Azııa chempıonatynda top jarǵanyn jazǵan edik.
Sondaı-aq «Turan» alǵash ret Qazaqstan kýbogyn jeńip aldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).