ASTANA. KAZINFORM — Batysqazaqstandyq «Jaıyq» klýby Maldıv araldarynyń astanasy Male qalasynda voleıboldan ótip jatqan Ortalyq Azııa chempıondar lıgasynda ekinshi jeńisine qol jetkizdi.
Oraldyqtar bul joly «Dhivehi Sifainge» (Maldıv) komandasymen alańǵa shyqty.
Birinshi partııada Vıktor Kozıktiń shákirtteri 25:17 esebimen basym tústi. Sodan keıin de osy qarqynynan tanǵan joq – 25:22, 25:15. Qorytyndy esep – 3:0, «Jaıyqtyń» paıdasynda.
Qazaqstan chempıony 19 shilde kúni taǵy bir jergilikti «HDC» klýbymen sheberlik baıqasady.
Eske sala keteıik, budan buryn «Jaıyq» klýbynyń Ortalyq Azııa chempıonatyn jeńispen bastaǵanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).