Voleıboldan QR chempıonaty: «Jetisý» qatarynan ekinshi jeńisine qol jetkizdi

<p>PETROPAVL. KAZINFORM &ndash; Petropavl qalasynda voleıboldan áıelderdiń Ulttyq lıga komandalary arasynda HHHІІ QR chempıonaty tórtinshi týrynyń oıyndary ótip jatyr.&nbsp;</p>

Bul joly ortalyq match «Jetisý» (Taldyqorǵan) men «Berel» (ShQO) komandalary arasynda ótti.

Keshe «Jetisý» besinshi satydaǵy «Almatyny» jeńse, «Berel» «Altaıdan» aılasyn asyrǵan edi.

Serbııalyq maman Marko Grshıch jattyqtyratyn «Jetisý» komandasy búgin de shıraq ári sheber qımyldap, «Bereldi» 3:0 (25:21, 28:26, 25:23) esebimen utty.

Osylaısha, 46 upaı jınaǵan «Jetisý» týrnır kestesinde óskemendikterdi qýyp jetip, dop aıyrmasy boıynsha úshinshi orynǵa kóterildi.

Qaraǵandynyń «Ertisin» 3:0 (25:15, 25:17, 25:22) esebimen qapy qaldyrǵan Túrkistannyń «Turany» 47 upaımen ekinshi satyda tur.

Soltústikqazaqstandyq «Qýanysh» óz alańynda kósh tizginin eshkimge bere qoımas.

Eske sala keteıik, budan buryn voleıboldan Qazaqstan chempıonatynda «Qýanyshtyń» «Turandy» utqanyn jazǵan bolatynbyz.